NG gemeente Kerksondermure

in Wikipedia, die vrye ensiklopedie

Kerksondermure is ‘n insluitende Christelike gemeenskap in Centurion en Midstream, Gauteng, Suid-Afrika. Die gemeente is gerig daarop om die Jesuslewe te ontdek en die missionale opdrag van Johannes 13 uit te leef.

Kerksondermure se eredienste, wat deur duisende mense weekliks bygewoon word, hetsy aanlyn of inpersoon, is Woord-gebaseerd, met lofprysing en aanbidding as twee belangrike pilare. Almal is welkom om Sondae 08:00, 10:00 en 18:30 te kom kerk, te koffie én te kuier.

Geskiedenis[wysig | wysig bron]

Die eerste spore van die geskiedenis van Kerksondermure begin in Maart 1986 met die eerste NG Verwoerdburgstad erediens. Op 12 Mei 1990, gedurende ’n Paasete, word die kerkgebou in Hippolaan, Centurion, ingewy. Twintig jaar later in 2006 verander die naam van NG Verwoerdburgstad na Kerksondermure. Die naamsverandering is gebore uit ’n begeerte om ’n naam te hê wat verwoord wat die gemeente glo God hulle voor geroep het. Na in-diepte navorsing in 2008 oor ‘n konsep genaamd “een gemeente op meer plekke”, word ‘n droom gebore om Kerksondermure Midstream te vestig. Dit word amptelik in Julie 2010 gevestig.

Kerksondermure wil graag bekend staan as die liefdevolste gemeente op aarde wat deurlopend in mense en gemeenskappe regoor die land belê wat ’n langtermyn bydrae tot voedselsekerheid en armoedeverligting lewer.

Vir meer inligting oor Kerksondermure, besoek die gemeente se webwerf, Facebook-blad of YouTube-kanaal.

Eksterne skakels[wysig | wysig bron]