Naboomspruit
| Naboomspruit Mookgopong Mookgophong |
|
  Naboomspruit
|
|
| Koördinate: | |
| Land |  Suid-Afrika |
|---|---|
| Provinsie | Limpopo |
| Distriksmunisipaliteit | Waterberg |
| Plaaslike Munisipaliteit | Mookgophong |
| Tydsone | SAST (UTC+2) |
Naboomspruit is 'n dorp in die Limpopoprovinsie in die noorde van Suid-Afrika, sowat 40 kilometer suidwes van Potgietersrus (Mokopane) en aan die voet van die Waterberge. Die dorp is vernoem na die nabome (euphorbias) wat langs die oewers van 'n nabygeleë spruit groei. Sedert 2002 staan Naboomspruit ook onder sy nuwe Mookgophong bekend, maar hierdie naam word - in teenstelling met ander naamveranderinge in die Limpopoprovinsie - nouliks gebruik.
Geskiedenis [wysig]
Naboomspruit is in 1910 gestig nadat die prospekteerder Adolph Erasmus tinneerslae op die plase Doornhoek en Welgevonden ontdek het. Met die stormloop van fortuinsoekers het binne enkele maande 'n besige mynboudorpie ontstaan. In 1925 het Erasmus ook platina op Rietfontein, 'n plaas in die Waterberge, gevind. Naboomspruit het sodoende nog meer myners gelok, en danksy die vinnige bevolkingsgroei het die dorp in 1938 munisipale status verwerf.
Ekonomie [wysig]
Vandag word in die distrik gemengde boerdery met veeteelt (beeste), mielies, grondbone en sitrusvrugte bedryf. Die plaaslike mineraalbronne is deur privaat maatskappye as ontspannings- en vakansieoorde ontwikkel.
