Nancy Sinatra

in Wikipedia, die vrye ensiklopedie
Spring na: navigasie, soek
Nancy Sinatra
Nancy Sinatra (1971).png
Nancy Sinatra in 1971
Geboorte 8 Junie 1940
Jersey City, NJ, VSA
Genre(s) Rock, Pop
Instrument(e) Stem
Aktiewe jare 1961hede
Uitgewer(s) Reprise
Elektra
RCA
Rhino
Sanctuary
Raven
DCC
WEA
Webwerf http://nancysinatra.com
Assosiasies Frank Sinatra
Lee Hazlewood
Frank Sinatra, jr.
Portal.svg Musiekportaal

Nancy Sandra Sinatra (* 8 Junie 1940) is 'n Amerikaanse sangeres en aktrise. Sy is die dogter van Frank Sinatra en sy eerste vrou Nancy Barbato en het veral met treffers soos These Boots Are Made for Walkin' (1966) en Somethin' Stupid ('n duet wat sy in 1967 saam met haar pa gesing het) bekendheid verwerf. Haar opname van Bang Bang (My Baby Shot Me Down), wat oorspronklik deur Cher gesing is, is vir die openingstoneel van Quentin Tarantino se rolprent Kill Bill gebruik.

Ander gewilde treffers sluit Sugar Town, Summer Wine, How Does That Grab You, Darlin'? en die titellied vir die James Bond-film You Only Live Twice in.

Nancy Sinatra het haar loopbaan as sangeres en aktrise in die vroeë 1960's begin, maar aanvanklik net in Europa en Japan sukses behaal. Eers met These Boots Are Made for Walkin' het sy 'n transatlantiese nommer 1-treffer behaal. Haar optrede en klerestyl met lang stewels en kort romp is in die 1960's nog as uitdagend beskou, maar het ook 'n ikoniese eienskap van Sinatra geword. Die lied is soos baie ander van haar treffers deur Lee Hazlewood geskryf, wat ook verskeie kere duette met haar gesing het soos in die treffer Some Velvet Morning. In 1966 en 1967 was altesaam dertien enkelsnitte van Sinatra op internasionale trefferlyste. In 1967 het Nancy Sinatra saam met Elvis Presley in die rolprent Speedway gespeel.