Narkolepsie

Narkolepsie is 'n toestand waar herhaalde "slaap-aanvalle" voorkom wat nie weerstaan kan word nie. Dit kan ook saam met katapleksie voorkom asook met indringende elemente van REM-slaap tydens die oorgang tussen slaap en wakker. Laasgenoemde manifesteer met hipnogogiese hallusinasies of hipnopompiese hallusinasies of selfs slaapparalise aan die begin of einde van slaap-episodes.

Simptome begin gewoonlik in adolessente of jong volwassenes en duur voort tot bejaardheid. Dit kom ewe veel in geslagte voor en 'n familiegeskiedenis is soms teenwoordig.

Bronne

• Diagnostic and Statistical Manual of Mental Disorders. (4th Ed.) American Psychiatric Association. 1994.
• Merck Manual. (16th Ed.) 1992.