Nasionale Dag van Rusland
Die Nasionale Dag van Rusland word in die Russiese Federasie op 12 Junie gevier en is 'n openbare vakansiedag.
Geskiedenis[wysig | wysig bron]
Die eerste Kongres van Volksafgevaardigdes van die RSFSR het op 12 Junie 1990 die Deklarasie van Onafhanklikheid aanvaar waardeur Rusland as 'n soewereine staat gevestig is. Alhoewel Rusland sedert die middeleeue as 'n onafhanklike land bestaan het, was die RSFSR in formele opsig 'n deelstaat van die Sowjetunie en sodoende aan die Sowjet-regering in die Moskouse Kremlin ondergeskik.[1]
Die uitroeping van 'n Russiese staat, wat onafhanklik van die destydse Moskouse bewind sou wees, was aan 'n inisiatief van Boris Jeltsin te danke en het in 'n tyd plaasgevind toe die magsmonopool van die Sowjet-Russiese Kommunistiese Party deur demokratiese bewegings bevraagteken is.
Presies een jaar ná die Russiese onafhanklikheidsverklaring is die eerste vrye presidensiële verkiesings in Rusland gehou. Hierdie datum word sedert 1994 as openbare vakansiedag gevier. Dit het in 2001 sy huidige amptelike naam "Dag van Rusland" (День России) gekry.
Verwysings[wysig | wysig bron]
Eksterne skakels[wysig | wysig bron]
 |
Wikimedia Commons bevat media in verband met Russia Day. |