Nasionale Vergadering van die Republiek van Azerbeidjan
Die Nasionale Vergadering van die Republiek van Azerbeidjan (Azerbeidjans: Azərbaycan Respublikasının Milli Məclisi) is die parlement van die Republiek van Azerbeidjan. Die parlement is geleë in die hoofstad Bakoe. Die Nasionale Vergadering is 'n eenkamerparlement met 125 afgevaardigdes waaronder 'n voorsitter wat volgens 'n meerderheidstelsel vir 'n termyn van vyf jaar verkies word. Die huidige voorsitter is Ogtay Asadov van die Nuwe Aserbeidjan Party. Die laaste verkiesings is op 7 November 2010 gehou.
