Natal Carbineers

in Wikipedia, die vrye ensiklopedie
Spring na: navigasie, soek
Regimentsvaandel van die Natal Carbineers.

Die Natal Carbineers is 'n reserwemagregiment in die Suid-Afrikaanse Infanteriekorps van die Suid-Afrikaanse Leër, met hoofkwartier in Pietermaritzburg. Dit bestaan sedert 1855 en het 'n geskiedenis wat aktiewe deelname aan verskeie koloniale veldslae, die Tweede Vryheidsoorlog, die Eerste Wêreldoorlog, die Tweede Wêreldoorlog, die Grensoorlog, en die Noodtoestand insluit. Die regiment het verskeie gevegsonderskeidings verwerf, en oor die jare is baie lede met dekorasies vereer. Sy leuse is Pro patria ('Vir ons vaderland').

Geskiedenis (Chronologie)[wysig]

1850s

  • 'n Vrywilligermag word in Natal op die been gebring - onder die eenhede is die 'Pietermaritzburg Irregular Horse' wat na 'n paar maande hulle naam na 'Natal Carbineers' verander.

1870s

1890s

1900s

  • Bhambatha-opstand (1906) - aktiewe diens in Natal.

1910s

  • Ingelyf by die burgermag van die nuwe Unie Verdedigingsmagte in 1913 as die '1ste en 2de Bereden Schutters (Natal Carbineers)' - diensplig bly vrywillig.
  • Duits Suidwes-Afrika-veldtog (1914-15) - aktiewe diens in Suidwes-Afrika, insluitend die slag van Gibeon.

1930s

  • Naam verander na '1ste en 2de Natal Carbineers' in 1932.
  • Die regiment word in 1934 in infanterie omskep.
  • Om koning George V se silwerjubileum in 1935 te vier word die regiment tot die 'Royal Natal Carbineers' herdoop.

1940s

  • Oos-Afrika-veldtog (1940-41): die slag van El Wak, operasies aan die Jubarivier, die inval in Ethiopië, die slag van Combolcia, en die slag van Amba Alagi.
  • Noord-Afrika-veldtog (1941-42): die besetting van die Gazala-linie, die verdediging van El Alamein, en die klimaktiese slag van El Alamein; sers Quentin Smythe verwerf die Victoriakruis (destyds die hoogste militêre dapperheidstoekenning) by Gazala.
  • Italiaanse veldtog (1945): aktiewe diens in Italië, insluitend die slagte van Monte Cassino, Florence, die Gotiese-linie, Monte Vigese, Monte Stanco, Monte Pezza, en die deurbraak na die Po-vallei.

1950s

  • Die vrywillige diensstelsel eindig in 1952 - vanaf 1952 tot 1967 is burgers vir diensplig geloot.
  • Die regiment word in 1954 tot 'n enkele bataljon afgeskaal.
  • Die regiment vier sy eeufees in 1955.

1960s

  • Met republiekwording in 1961 verander die regiment sy naam terug na 'Natal Carbineers'.
  • Vanaf 1968 tot 1993 is burgermagdiens verpligtend ('nasionale diensplig').

1970s

  • Grensoorlog - verskeie operasionele diensbeurte in noordelike Suidwes-Afrika en suidelike Angola.

1980s

  • Noodtoestand (1985-90) - verskeie keer vir binnelandse veiligheidsdienste opgeroep.

1990s

  • Sedert 1994 is militêre diens weer vrywillig.
  • Toe die burgermag na 1994 in die reserwemag omskep is word die NC 'n reserwemageenheid.

Gevegsonderskeidings[wysig]

  • South Africa 1879
  • South Africa 1899-1902; Defence of Ladysmith
  • Natal 1906
  • South West Africa 1914-15; Gibeon
  • East Africa 1940-41; El Wak; The Juba; Combolcia; Amba Alagi
  • Western Desert 1941-43; Sidi Rezegh; Gazala; Point 204; Alamein Defence; El Alamein
  • Italy 1944-45; Casino II; Florence; The Greve; Gothic Line; Monte Vigese; Monte Stanco; Monte Pezza; Po Valley

Verwysings[wysig]

  • Coghlan, M. (2000). Pro Patria.
  • Hattersley, A.F. (1950). Carbineer.