Natale Labia Museum
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| |
Casa Labia
| |
| Plek | Muizenberg |
|---|---|
| Land | Suid-Afrika |
| Openingsjaar | 1985 |
| Geopen deur | Graaf Natale Labia |
| Tipe museum | Kuns en kultuur |
| Webtuiste | Casa Labia |
Die Natale Labia Museum is 'n kunsgalery en veeldoelige kultuursentrum in Muizenberg. Dit word gehuisves in 'n herehuis met die naam Casa Labia (maar beter bekend as The Fort) by Hoofweg 192 (M4). Vanweë die 18de-eeuse Venesiese boustyl is die gebou iets besonders. In die huis is 18de- en 19de-eeuse meubels sowel as skilderye van ou meesters en eietydse Suid-Afrikaanse kuns te besigtig. Ook vind daar gereeld wisselende tentoonstellings plaas.
Die huis is in 1929 gebou deur prins Natale Labia (1877-1936) en sy vrou Ida Louise Labia (1879-1961) as woonhuis en Italiaanse konsulaat. Die prins was die Italiaanse konsul in Kaapstad. Sy vrou was die dogter van sir Joseph Benjamin Robinson. Ná die prins se dood is die huis met sy 20 kamers gebruik as Kanadese en later Argentynse ambassade. In 1985 skenk die erfgenaam, graaf Natale Labia, die huis en sy inhoud aan die staat as 'n museum ter herinnering aan sy ouers. Ná 20 jaar is die museum weens geldgebrek gesluit. Nou is dit weer eiendom van die Labia-familie, in sy eertydse glorie herstel en voldoen aan die skenkerfamilie se aanvanklike wens.
