Neda

Neda Agha-Soltan, (Persies: ندا آقا سلطان - Nedā Āġā Soltān; 1982 – 20 Junie 2009), was 'n jong Iranse vrou wat deelgeneem het aan betogings in die strate van Teheran teen die manipulasie van die Iranse presidentsverkiesings se uitslae deur president Mahmoud Ahmadinejad en die Opperste Leier Ayatollah Ali Khamenei.

Sy is op 20 Junie 2009 doodgeskiet, moontlik deur die Basidzj. Die beelde van die sterwende vrou het via die internet en internasionale televisie nuusdekking die wêreld geskok. Binne 'n dag het sy die gesig van die stryd vir vryheid en demokrasie in Iran geword.