Newcastle, KwaZulu-Natal
| Newcastle | |
 |
|
.svg)  Newcastle
|
|
| Koördinate: | |
|---|---|
| Land |  Suid-Afrika |
| Provinsie | KwaZulu-Natal |
| Distriksmunisipaliteit | Amajuba |
| Plaaslike Munisipaliteit | Newcastle |
| Stigting | 1864 |
| Regering | |
| - Burgermeester | Afzul Rehman |
| - Munisipale bestuurder | Bongani Ntanzi |
| Hoogte | 1 194 m (3 917 vt) |
| Bevolking (2009) | |
| - Stad | 419 271 |
| Tydsone | SAST (UTC+2) |
| Poskode | 2940 |
| Skakelkode(s) | 034 |
| Webwerf: http://www.newcastle.gov.za | |
- Hierdie artikel handel oor die Natalse dorp. Sien gerus Newcastle vir 'n lys van ander dorpe en stede met dieselfde naam.
Newcastle is 'n dorp in noordwes-KwaZulu-Natal (Suid-Afrika). Dit is geleë aan die oewers van die Ncandurivier, en word deur die Drakensberge omring in die Noorde, Weste en Suide.
Inhoud |
[wysig] Munisipaliteit
Newcastle is in beheer van die plaaslike munisipaliteit, naamlik die Newcastle Plaaslike Munisipaliteit en die Amajuba-distriksmunisipaliteit. Amajuba-distriksmunisipaliteit is die 5de digste bevolkte munisipaliteit in KwaZoeloe-Natal. Dannhauser (1516 km²), Newcastle (1956 km²) en Utrecht (3539 km2) word in die munisipaliteit ingesluit. Die gemiddelde digtheid mense is 67,7 mense per km2.
[wysig] Geskiedenis
In 1854 is die dorp strategies deur die Landmeter Generaal van die Natalkolonie, Dr. PC Sutherland, in die gebied laat bou om as rusplek te dien vir mense op reis tussen Durban (toe Port Natal van die Zuid-Afrikaansche Republiek) en Johannesburg. Die dorp is later Waterfall River Township genoem as gevolg van die Ncandurivier.
In 1864 is die dorp se naam na Newcastle verander. Dit is die vierde dorp wat in Natal gestig is na Durban, Weenen en Pietermaritzburg. Newcastle is vernoem na die Britse Koloniale Sekretaris, die Hertog van Newcastle.
In 1870 is Fort Amiel in Newcastle gebou om die Zoeloes af te weer. Die residensiële area wat rondom Fort Amiel gebou is, staan vandag bekend as Amiel Park.
Om Koningin Victoria se Silwer (60ste) jubileum in 1897 te vier, is 'n sandsteengebou in die middel van die dorp gebou. Dit staan nou bekend as Newcastle se stadsaal en het twee jaar geneem om te voltooi.
Die dorp is as 'n depot gebruik deur die Britte gedurende die eerste en tweede Anglo-Boereoorlog. Newcastle was gebruik as 'n baie belangrike verbinding en stopplek vir mense wat tussen Johannesburg en Durban gereis het. In 1890 het die eerste trein in Newcastle gearriveer. Die N11 nasionale pad is ook deur Newcastle gebou.
In 1891 is Newcastle as 'n volwaardige dorp verklaar. Later is steenkool hier gevind, en Newcastle se era van ontwikkeling het begin (en gaan nog aan). Groot fabrieke is om Newcastle gebou. Mittal (toe Yskor) vervaardig yster, en 'n ander groot fabriek Karbochem is in die dorp gebou. Daar is sprake van 'n Sasol-aanleg wat buite die dorp gaan oopmaak, en 'n kaasfabriek.
[wysig] Vermaak en Besienswaardighede
Ncandu Waterval is slegs 12 km buite die dorp in die Normandien rigting. Dit bied ontspanningsarea in die natuur met braai- en ablusieblokfasiliteite beskikbaar. Die hekke is daagliks tussen 06:00 en 20:00 oop vir besoekers. Ingang kos R5 p.p.
Daar is twee golfbane, Newcastle Golfklub en Kilbarchan Golfklub wat enige golfspelers verwelkom.
Daar is 7 stap- en perdryroetes in Normandien en Ingogo-areas, wat varieer tussen een-dag uitstappie na Majubaberg en 2- tot 3-dae ekskursies in die berge in.
Die Chelmsford Natuurreservaat is wel bekend onder vissermanne vir die dam se karp. Die park beslaan 1000 ha, en het renosters, zebras, blouwildebeeste, blesbokke, en springbokke. Die reservaat bied ook oornagakkomodasie en is onder 30 minute se ry uit die dorp uit.
Daar is ook verskeie 4x4-roetes.
Onlangs het 'n R100 miljoen Casino in Newcaslte sy deure geopen. Century Casino is 'n luukse casino met 'n 4-ster hotel, 'n badplaas (spa) en verskeie vermaak areas.
'n Verskeidenheid inkopiesentrums word ook hier aangetref, waaronder Amajuba Mall, Victorian Mall (met bioskoop), Scott Street Mall, Village Mall, Taxi City en Pick 'n Pay Sentrum. Century Mall, 'n R450 mijoen inkopiesentrum, gaan in 2009 oopmaak. [1]. Daar is ook 'n aantal kleiner inkopiesentrums wat nader aan die resedensiële gebiede geleë is.
[wysig] Sien ook
[wysig] Eksterne skakels
Johannesburg · Durban · Kaapstad · Oos-Rand · Pretoria · Port Elizabeth · Oos-Londen · Vereeniging · Bloemfontein · Thohoyandou · Pietermaritzburg · Pietersburg · Bosbokrand · Louis Trichardt · Nelspruit · Mthatha · Welkom · Rustenburg · Mount Ayliff · Groter Tzaneen · Phuthaditjhaba · Klerksdorp · Brits · Nkomazi · Newcastle · Potgietersrus · Krugersdorp · Richardsbaai · Butterworth · Libode · Witbank · Burgersfort · Ngwaritsi · Mafikeng · KwaMhlanga · Flagstaff · Idutywa · Bizana · Mdutjana · Groter Giyani · Mogwase · Lebowakgomo · Ladysmith · Highveld Ridge · Eshowe · Groblersdal · Duiwelskloof · Port Shepstone · Ulundi · Carletonville
