Newsweek

in Wikipedia, die vrye ensiklopedie
Spring na: navigasie, soek
Die titelblad van die eerste Newsweek-uitgawe wat op 17 Februarie 1933 verskyn het.

Newsweek is 'n Amerikaanse nuustydskrif wat weekliks in New York verskyn en sowel in die Verenigde State asook internasionaal versprei word. Dit is die tweede grootste weeklikse nuustydskrif in die VSA na Time en word in vier Engelse asook twaalf globale uitgawes uitgegee wat in die taal van hul verspreidingsgebied verskyn.

As gevolg van finansiële moeilikhede het Newsweek sy fokus en teikengroep vanaf 2008 verander. Die afwaartse pas het nogtans versnel. Nadat Newsweek se inkomste tussen 2007 en 2008 met 38 persent gedaal het, het die eienaar, The Washington Post Company, die tydskrif in Augustus 2010 teen 'n simboliese prys van $1 aan die 92-jarige oudio-pionier Sidney Harman verkoop wat ingestem het om Newsweek se skuldlas oor te neem. Ná hierdie transaksie het redakteur Jon Meacham bedank.

In November 2010 het Newsweek ná onderhandelinge tussen die betrokke eienaars met die nuus- en opinie-webwerf The Daily Beast saamgesmelt om voortaan die Newsweek Daily Beast Company te vorm. Die Daily Beast se hoofredakteur, Tina Brown, fungeer sedertdien as redakteur van albei publikasies. Newsweek is in gemeenskaplike besit van die boedel van wyle Sidney Harman en die gediversifeerde media-onderneming American Internet Company (IAC).

Op 18 Oktober 2012 het Brown bekend gemaak dat Newsweek sy gedrukte uitgawe sal staak. Die laaste uitgawe op papier sal op 31 Desember 2012 verskyn. Newsweek sal vanaf 2013 slegs in 'n digitale formaat uitgegee word wat as Newsweek Global bekend sal staan.[1][2]

Verwysings[wysig]