Niihau
| Niʻihau Die Verbode Eiland |
|
|---|---|
 Lugfoto van Niʻihau |
|
| Geografie | |
 |
|
| Ligging | 21°54′N 160°10′W |
| Oppervlakte | 179,9 vk km |
| Geranglys | 7de grootste eiland van die deelstaat Hawaii |
| Hoogste punt | Mt. Pānīʻau 381 m |
| Demografie | |
| Bevolking | 130 (2009) |
| Bevolkingsdigtheid | 0,7/vk km |
| Amptelike simbole | |
| Blom | Pūpū ke ʻoke ʻo |
| Kleur | Ke ʻoke ʻo (wit) |
Niʻihau of Niihau (niːhaʊ); Hawais: (ˈniʔiˈhɔu) is die kleinste van die bewoonde eilande in die Amerikaanse deelstaat Hawaii, met 'n oppervlakte van bykans 180 km². Niʻihau is 28,2 kilometer suidwes van Kauai anderkant van die Kaulakahi-kanaal geleë.
Nadat die eiland in 1864 deur Elizabeth Sinclair van die Koninkryk van Hawaii gekoop is, het dit tot vandag toe in privaat besit gebly. Sinclair het Niʻihau later aan haar erfgename, die Robinson-gesin, oorgeërf. Volgens 'n besluit van die Skots-gebore eienaars was die eiland, wat goed geskik vir skaap- en veeteelt is, nie vir besoekers toeganklik nie sodat die enkele honderd bewoners van suiwer Hawais-Polinesiese afkoms hul tradisionele leefwyse en taal kon bewaar.
Die eiland is net toeganklik vir familielede, Amerikaanse vlootpersoneel, regeringsamptenare en uitgenooide gaste - vandaar die bynaam "Verbode Eiland". Ter finansiering van 'n reddingshelikopter het die eienaars hul beleid in 1987 ietwat begin verander en sedertdien mag klein toergroepe onder toesig 'n besoek aan die eiland aflê, alhoewel hulle gewoonlik nie in aanraking met die bewoners mag kom nie. Niʻihau word tans deur Bruce en Keith Robinson bestuur.
