Nikon die Droë

in Wikipedia, die vrye ensiklopedie

Die agbare Nikon die Droë was in die 11de eeu ’n monnik in Kiëf in die hedendaagse Oekraïne wat deur die Tartare ’n slaaf gemaak is. Nikon is drie jaar lank gewelddadig behandel in aanhouding voor hy in ’n beweerde wonderwerk ontsnap het.

Nikon het eendag aan sy slawemeester gesê Jesus sal hom binne drie dae sy vryheid gee. Die slawemeester het toe Nikon se bene gebreek sodat hy nie kon loop nie, maar tog het God hom glo drie dae later ongesiens na Kiëf gedra. ’n Ruk later het hy sy voormalige slawemeester in die stad raakgeloop. Die man het hom bekeer en het ’n dissipel van Nikon geword.

Nikon is "die Droë" genoem omdat hy so intens gevas het. Hy is in 1101 dood en later deur die Oosters-Ortodokse Kerk tot heilige verklaar. Sy feesdag is sy sterfdag, 11 Desember.[1]

Sien ook[wysig | wysig bron]

Verwysings[wysig | wysig bron]

  1. "The Prologue from Ohrid". Geargiveer vanaf die oorspronklike op 14 Desember 2007. Besoek op 16 Februarie 2012.