Nissan 300ZX

in Wikipedia, die vrye ensiklopedie
Nissan 300ZX
Oorsig
Vervaardiger Nissan
Ook genoem Nissan Fairlady Z (in Japan)
Produksie 1983–1989 (Z31)
1989–2000 (Z32)
Montering Hiratsuka, Kanagawa, Japan
Bakwerk en onderstel
Klas Sportmotor/"Grand Tourer"
Uitleg Voorenjin, agterwieldryf
Spesifikasies
Ratkas 5-ganghandrat
4-gang outomaties
Plek in geskiedenis
Voorganger Nissan 280ZX
Opvolger Nissan 350Z

Die Nissan 300ZX is 'n sportmotor wat bemark was in nie-Japannese markte, identies aan die plaaslike Japannese "Z31" en "Z32" geslagte van die Nissan Z wat vanaf 1983 tot 2000 vervaardig is. Soos met al die ander geslagte van hierdie platform is die motors as die Fairlady Z bemark op die Japannese plaaslike mark.[1]

Op die Japannese mark is dit uitsluitlik deur "Nissan Bluebird Stores" verkoop vanaf 1983 tot die middel 2000 en in die Verenigde State van Amerika van 1984 tot die middel van 1996. Die 300ZX naam volg die numeriese konvensie wat met die Nissan S30 begin is, soos voorgestel deur Yutaka Katayama. Die "X" aanwysing se debuut was met die vorige generasie Z motor, die 280ZX, wat luukse en geriefgeoriënteerde funksies aangedui het. Die Z31 model van 1983-89 was die gewilder model, daar is 100 000 meer eenhede as die latere Z32 verkoop. Die Z31 het voortgegaan in die ou S30 markposisionering as 'n middelprysklas-sportmotor, maar die teikenmark van die Z32-geslag het elke modeljaar verander a.g.v. 'n gedurige hoër prysetiket.

Car and Driver plaas die Z32 op sy tien beste lys vir 7 opeenvolgende jare, dus elke modeljaar van sy beskikbaarheid in die Verenigde State. Motor Trend ken die motor die eer toe as "1990-ingevoerde Motor van die Jaar".[2]

Die Nissan 350Z, amptelik die Z33 generasie Z-motor, het die 300ZX in 2003 opgevolg.

Verwysings[wysig | wysig bron]

  1. Nissan 300ZX 1991 Service Manual No. SM1E-0Z32U0. Tokio, Japan: Nissan Overseas Service Department. Desember 1990.
  2. "Motor Trend Import Cars of the Year Complete Winners List" (in Engels). Motortrend.com. Geargiveer vanaf die oorspronklike op 18 Oktober 2015. Besoek op 22 Januarie 2012.


Hierdie artikel is in sy geheel of gedeeltelik vanuit die Engelse Wikipedia vertaal.