Nizjni Nowgorod-oblast
| Nizjni Nowgorod-oblast (Нижегородская область) |
|
|---|---|
.svg) Die ligging van Nizjni Nowgorod-oblast in Rusland. |
|
| Land |  Russiese Federasie |
| Russiese naam | Нижегородская область |
| Status | Oblast (provinsie) |
| Federale distrik | Wolga |
| Ekonomiese streek | Wolga-Wjatka |
| Hoofstad | Nizjni Nowgorod |
| Stigtingsdatum | 5 Desember 1936 |
| Oppervlakte | 76 900 km² |
| Rang: oppervlakte | 40 |
| Wateroppervlakte | 1,2% |
| Bevolking | 3 524 028 (2002) |
| Rang: bevolking | 10 |
| Taal | Russies |
| Goewerneur | Waleri Sjantsef |
| Tydsone | 3 |
| Kentekennommer | 52 |
| Amptelike webtuiste | www.government.nnov.ru |
 Wapen |
 Vlag |
Nizjni Nowgorod-oblast (Russies: Нижегоро́дская о́бласть, Nizjegorodskaja oblast) is ’n oblast (deelgebied) van Rusland. Dit lê in die Wolga- Federale Distrik en die hoofstad is Nizjni Nowgorod. Met ’n bevolking van 1,3 miljoen is Nizjni Nowgorod die grootste stad in die oblast en die vierde grootste in Rusland naas Moskou, Sint Petersburg en Nowosibirsk. Die tweede grootse stad is Arzamas.
Die Wolga-rivier loop deur die gebied. Rusland se grootste klooster is in die dorp Sarof. Ander historiese dorpe sluit in Gorodets en Balachna.
Inhoud |
[wysig] Geografie
Die oblast beslaan ’n gebied van 76 900 km2, wat omtrent die grootte van die Benelux-lande is. Landbougrond beslaan sowat 41% van die streek, woude 48% en riviere en mere 2%. Die oblast grens aan Kostroma-oblast in die noorde, Kirof-oblast in die noordooste, die Republiek van Mari El en Tsjoewasië in die ooste, die Republiek van Mordowië in die suide, Rjazan-oblast in die suidweste, Wladimir-oblast in die weste en Iwanowo-oblast in die noordweste.
[wysig] Ekonomie
Wat nywerheid aanbetref, is Nizjni Nowgorod-oblast die sewende belangrikste gebied in Rusland. Meer as 650 nywerheidsmaatskappye verskaf werk aan sowat 700 000 mense. Die belangrikste sektore is die ingenieurs- en die metaalwerkbedryf. Die streek het nie baie natuurlike hulpbronne nie. Die belangrikstes is sand (waaronder titaan-sirkoniumsand), klei, gips, turf, mineraalsout en hout.
[wysig] Demografie
Volgens die 2002-sensus maak Russe 95% van die oblast se bevolking uit. Ander etniese groepe sluit in Tartare (1,4%), Mordwiniërs (0,7%) en Oekraïners (0,7%). Sowat 2 754 997 van die 3 524 028 inwoners woon in stede.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
