Noah Webster
vanuit Wikipedia, die vrye ensiklopedie.
Noah Webster (* 16 Oktober 1758 in West Hartford (Connecticut), † 28 April 1843 in New Haven (Connecticut)) was 'n Amerikaanse leksikograaf, politieke skrywer, vertaler en uitgewer. Hy het egter veral bekendheid verwerf as spellinghervormer en skrywer van leerboeke en word derhalwe ook die "Vader van Amerikaanse Geleerdheid en Opvoedkunde" genoem.
Vyf generasies van leerders in die Verenigde State het met Webster se spelboeke geleer om te spel en te lees, en sy naam het 'n sinoniem vir "woordeboek" geword danksy die moderne Merriam-Webster-woordeboek wat vir die eerste keer in 1828 as An American Dictionary of the English Language verskyn het.
Die meeste huidige verskille tussen die spelling van Amerikaanse en Britse Engels, maar ook die - in vergelyking met baie sprekers van Britse Engels - duidelike uitspraak van Amerikaners is te danke aan Webster: 19de eeuse onderwysers het leerders dikwels die woorde in Webster se Spelling Book hardop en lettergreepsgewys laat opsê.[1]
[wysig] Verwysings
- ^ Buckingham, Joseph T.: Brief aan Henry Barnard, 10 Desember 1860, gepubliseer in Barnard se American Journal of Education, 13 (1863), bl. 129-32. In: Baugh, Albert C. en Thomas Cable: A History of the English Language. Third Edition. Londen: Guild Publishing 1986, bl. 364-365
