Nordahl Grieg

in Wikipedia, die vrye ensiklopedie
Nordahl Grieg
Nordahl Grieg tydens die Tweede Wêreldoorlog
Gebore
Johan Nordahl Brun Grieg

1 November 1902
Sterf2 Desember 1943 (op 41)
Kleinmachnow naby Berlyn, Nazi-Duitsland
NasionaliteitVlag van Noorweë Noorweë
BeroepDramaturg, digter, romanskrywer, joernalis en soldaat
Bekend virTil Ungdommen
EggenootGerd Egede-Nissen
Ouer(s)Peter Grieg
Helga Grieg (née Vollan)

Johan Nordahl Brun Grieg (* 1 November 1902 in Bergen, Noorweë; † 2 Desember 1943 in Kleinmachnow naby Berlyn) was 'n Noorse skrywer en joernalis. Grieg het sy veelsydige loopbaan as seeman en soldaat begin. Later was hy werksaam as joernalis in China en Spanje, skrywer, regisseur en redakteur van 'n tydskrif. Ná 'n verblyf in die Sowjetunie het hy as oortuigde linkse na die weste teruggekeer en in die 1930's, as Noorse patrioot, aktief opgetree teen fascisme.

In 1943 was hy oorlogsverslaggewer gedurende die geallieerde lugaanvalle op Nazi-Duitsland toe die Britse Avro Lancaster-bomwerper, waarin hy gevlieg het, naby Berlyn afgeskiet is.