Nowgorod-kremlin

in Wikipedia, die vrye ensiklopedie
Spring na: navigasie, soek
Die oostelike muur van die Nowgorod-kremlin.
Mure en torings van die kremlin.

Die Nowgorod-kremlin (Russies: Новгородский кремль; Nowgorodski Kreml), ook bekend as die Detinets (Дети́нец), lê aan die linkeroewer van die Wolchof-rivier.

Die grond waarop dit geleë is, was oorspronklik ’n heidense begraafplaas. Die eerste biskop van Weliki Nowgorod, Ioakim Korsoenianin, het omstreeks 989 die Sint Sofia-katedraal daar gebou. Dit is dus hoofsaaklik ’n kerkterrein, hoewel baie bojare (adellikes) van Nowgorod hul huise in die suidelike deel van die Detinets gebou het.[1]

Die eerste verwysing na fortmure op die terrein dateer uit 1044, en verdere bouwerk het in 1116 plaasgevind. Steenmure en –torings is in 1302 gebou. Die mure aan die oostekant is in 1331-1335 herbou en die res is eers in 1400 in steen herbou. ’n Deel van die muur aan die oostekant het in 1437 in die rivier gestort en dit is daarna herbou.[2]

Moderne struktuur[wysig]

Die huidige fort is tussen 1484 en 1490 gebou deur bouers van die Grootprinsdom van Moskou net voor Iwan die Grote die stad in 1478 verower het. Dit is ’n groot ovaalvormige fort van 545 meter lank en 240 meter wyd met nege torings wat nog staan (drie ander is tot niet). Die hoogste toring, die Kokoei, het ’n silwer koepel. ’n Mens kan vandag met dié toring opstap tot bo.

Uitleg[wysig]

Die hoofgeboue in die Detinets is die Sint Sofia-kerk en die aartsbiskoplike gebouekompleks in die noordwestelike hoek. Suid hiervan, oorkant die plein waarop die Millennium-monument staan, is die Nowgorod-museum en die streeksbiblioteek. Daar is ook verskeie ander kerke en ’n park. In die kronieke is verskeie verwysings na geboue wat nie meer bestaan nie, soos bidvertrekke bo die hekke en die Kerk van Sint Boris en Sint Gleb.[3]

Daar is ’n ewige vlam ter ere van soldate in die Duits-Sowjet-oorlog tydens die Tweede Wêreldoorlog by die westehek en ’n openbare strand tussen die suidoostekant van die kremlin en die Wolchof-rivier.

Verwysings[wysig]

  1. S.V. Trojanofski, "O nekotorich rezoeltatach raskopok v Nowgorodskom kremle v 1992-1996 gg.," Nowgorod i nowgorodskaja zemlja, istorija i archeologija, No. 12, (1998): 58-70.
  2. S.V. Trojanofski, "O nekotorich rezoeltatach raskopok v Nowgorodskom kremle", 59.
  3. Aleksandr Ignatjewitsj Semjonof, Istoritsjeskije pamjatniki Nowgorodskowo Kremlija (Nowgorod: gazeta “Nowgorodskaja Prawda,” 1959).
Crystal txt.png

Hierdie artikel is vertaal vanuit die Engelse Wikipedia

Steeds bestaande kremlins in Rusland
AstrachanIzborskKazanKolomnaMoskouNizjni NowgorodPskofSmolenskSoezdalSolowjetski-kloosterStaraja LadogaTobolskToelaWeliki Nowgorod