Oder
| Oder Odra Wódra |
|
|---|---|
 |
|
| Oorsprong | Naby Kozlov aan die suid-oostelike voet van die bergpiek Fidlův kopec in die Oderberge |
| Monding | Szczecin-strandmeer, Oossee |
| Gebied waardeur dit vloei | Tsjeggië, Pole, Duitsland |
| Lengte | 866 km |
| Oorsprong hoogte | 634 m |
| Monding-hoogte | 0 m |
| Gemiddelde afloop | 574 m³/s |
| Stroomgebiedoppervlakte | 118 861 km² |
Die Oder (Nieu-Latyns Viadrus; Pools, Tsjeggies en Neder-Sorbies Odra, Opper-Sorbies Wódra) is 'n Middel-Europese rivier wat in Tsjeggië ontspring, deur Pole vloei en sedert 1945 as gevolg van die Tweede Wêreldoorlog die grens tussen dié land en Duitsland vorm. Dit mond deur die Szczecin-strandmeer en rondom die eilande Usedom en Wolin in die Oossee uit. Die rivier het 'n lengte van 866 kilometer (898 kilometer tot by Świnoujście, vroeër Swinemünde).
Die belangrikste syriviere sluit die Lausitzer Neiße en die Warthe. Saam met die laasgenoemde syrivier het die rivierstelsel 'n totale lengte van 1 045 kilometer. Die gemiddelde afloop van 574 m³/s maak van die Oder die vyfde grootste rivier in Duitsland ná Ryn, Donau, Inn en Elbe. Die Oder se stroomgebied word in die weste en suid-weste deur die Elbe, in die ooste deur die Wisła (Weichsel) en in die suide deur die Donau begrens.
