Ofotfjord
Die Ofotfjord (['ufut-], Noors Ofotfjorden) is 'n fjord in Noord-Noorweë met 'n lengte van 78 kilometer en 'n diepte van tot by 553 meter. Die belangrikste hawestad is Narvik aan die oostelike ent van die Ofotfjord.
Die fjord se naam is afgelei van die Oudnoorse pleknaam Ófóti en fót ("voet") en verwys moontlik na sy vorm. Die landskap Ofoten is na die fjord vernoem.
Inhoud |
[wysig] Fauna en flora
Die Ofotfjord word deur bergspitse met 'n maksimale hoogte van 1 700 meter omring. Teen hulle hange groei veral berke tot by die woudgrens teen 'n hoogte van sowat 500 meter. Die fjord se visbron sluit veral kabeljou en makriele tydens die somer en harings as tipiese wintervisse in. Die Ofotfjord is daarnaas 'n belangrike habitat vir seearende en otters.
[wysig] Geskiedenis
In April 1940 was die Ofotfjord die toneel van hewige seegevegte tussen anti-duikbootskepe van die Duitse Vloot, wat tydens die Operasie Weserübung (die besetting van Noorweë) bergjaers na Narvik vervoer het om die stad te beset, en Britse oorlogskepe, waaronder die HMS Warspite.
Alle tien Duitse asook twee Britse anti-duikbootskepe is tydens die seegevegte tot sink gebring of het die grond geraak. Die skeepswrakke is tans gewilde duikbestemmings. Sommige van die wrakke is deur die Noorse regering tot seegrafte verklaar en word deur die wet beskerm.
