Oos-Vrystaat

in Wikipedia, die vrye ensiklopedie
Spring na: navigasie, soek
'n Oos-Vrystaatse landskap naby die dorpie Clarens.
Een van die interessante standsteen-rotsformasies in die omgewing van die dorpie Clarens is die sogenaamde Titanic-rots.

Die gebied wat bekend staan as die Oos-Vrystaat sluit in die bergagtige dele van die Vrystaat Provinsie in Suid-Afrika. Die Oos-Vrystaat is veral bekend vir sy uitstekende landbouaktiwiteite, insluitend veeboerdery en koring- en mielielandbou. Dié gedeelte van die Vrystaat staan ook bekend as die Riemland. Die Riemland het sy naam te danke aan rieme wat tydens die Voortrekkers en vroeë setlaars se tyd uit elandsvelle gesny is. Die rieme is daarna gebruik vir meetdoeleindes (soos om grense van plase te meet).

Vernaamste dorpe in die Oos-Vrystaat sluit in Bethlehem, Harrismith, Senekal, Vrede, Ladybrand, Ficksburg, Phuthaditjhaba en Frankfort. Ander dorpe in die Oos-Vrystaat sluit Memel, Cornelia, Reitz, Lindley, Marquard, Arlington, Clocolan, Warden, Kestell, Paul Roux, Fouriesburg, Clarens, Swinburne, Rosendal, Petrus Steyn, Villiers en Tweeling in.

Die Witteberge en Rooiberge, wat beide deel uitmaak van die Drakensberg reeks, lok baie binnelandse en buitelandse toeriste na die streek. Die bekendste natuurreservaat in die gebied is die Golden Gate Hoogland Nasionale Park, wat veral bekend is vanweë sy sandsteenkranse van die Clarens Formasie.