Opel Olympia

Opel Olympia uit 1936

Opel Olympia cabrio 1951

Opel Olympia uit 1952

Die Opel Olympia was die eerste motor van die Duitse motorvervaardiger Opel wat op groot skaal geproduseer is. Die Olympia is in 1935 vrygestel vir die prys van 2500 reichsmark en is vernoem na die Olimpiese Spele wat 'n jaar later in Berlyn gehou is. Die motor was ten spyte van die nasleep van die krisis van die jare dertig 'n groot sukses.

Ook op tegniese gebied was die Olympia 'n spesiale motor. Die Opel Olympia was een van die eerste produksiemotors met 'n geheel selfondersteunende bakwerk, wat massa en veiligheid bevoordeel het. Die Olympia was ook een van die eerste motors met frommelsones.

Twee modelle is in die eerste reeks vrygestel, die Cabrio-Limousine en die Limousine, beide met 'n 1,3 liter inlynviersilindermotor van 18 kW. Die topsnelheid was 95 km/h. Die eerste reeks se produksie het tot 1940 geduur; daarna het Opel geheel en al oorgeskakel na oorlogsproduksie. In die vooroorlogse tydperk is 168 875 Olympia's geproduseer.