Orania

in Wikipedia, die vrye ensiklopedie
Spring na: navigasie, soek

Orania
Die Volkstaat Des Afrikaner

Orania Montage.jpg
Kaart Wapen
Orania Kaart.png
Orania Wapen.png
Vlag
Flag of Orania.jpg
 Land Vlag van Suid-Afrika Suid-Afrika
 Administratiewe gewes Noord-Kaap
 Koördinate 29°49′S 24°24′O Koördinate: 29°49′S 24°24′O
 Stigting 1990
 Distrik Munisipaliteit Pixley ka Seme
 Geldeenheid Ora
 Oppervlakte:  
 - Totaal 80 km² (30,9 vk km
 Hoogte bo seevlak 1 160 m
 Bevolking:  
 - Totaal (2011) 1523
 Etniese groepe:  
 - Blank 97.7%
 - Swart 1.7%
 - Kleurling 0.6%
 Tydsone SAST / UTC +2
 - Somertyd Geen
 Klimaat Karoo klimaat
 - Jaarlikse gemiddeld 31 °C
 - Jaarlikse maksimum 38 °C
 - Maksimum Januarie / Julie 33 / 18 °C
 - Jaarlikse minimum 9 °C
 - Minimum Januarie / Julie 18 / 3 °C
 Gemid. jaarlikse neerslae 404 mm
 Burgemeester (party) Carel Boshoff
 Amptelike webwerf orania.co.za

Orania is ’n Suid-Afrikaanse dorpie geleë langs die Oranjerivier in die Noord-Kaapprovinsie in die Karoostreek. Dit is ’n poging om die ideaal van selfbeskikking deur ’n Volkstaat van ’n groep Afrikaners te verwesenlik. In 2004 het Orania sy eie geldeenheid ingestel, die Ora. Sewentig besighede is tans in Orania.[1] Dit groei egter jaarliks soos die aantal inwoners vermeerder. Die naam Orania is afgelei van die rivier Oranje, wat langsaan die dorp verby vloei.

Die Karoo streek by Orania
Boerdery by Orania
Welkom bord in Orania
Paul Kruger Gedenkteken

Doel[wysig]

Die doel van Orania, volgens sy stigters, is om ’n dorp te skep waar die beskerming van Afrikanerdom se kulturele erfenis sterk onderstreep word en Afrikaner-selfwerksaamheid ’n daaglikse beoefening word, en nie net ’n idee bly nie.

Alle werk, van bestuur tot handewerk, word deur Afrikaners vervul. "Ons wil nie bestuur word deur mense wie nie Afrikaners is nie", sê Potgieter, 'n vorige voorsitter. "Ons kultuur is besig om onderdruk te word, en ons kinders word gebreinspoel om Engels te praat." Geen nie-Afrikaners word toegelaat om op die dorp te woon of daar te werk nie, met die argument dat hul teenwoordigheid strydig is met die idee van Afrikaner-selfwerksaamheid.

Die dorp geniet ’n baie lae misdaadsyfer – klein oortredings word deur die maatskappy hanteer, meestal in die vorm van klein boetes.

Vermeende toenemende belegging en ekonomiese vooruitgang op Orania lei na bewering tot voortdurende groei van die Afrikanertuiste se bevolking.

Werksaamhede[wysig]

Die werksaamhede van Orania word op twee terreine, naamlik inligting en skakeling enersyds, en ontwikkeling andersyds, gefokus. Op die eerste terrein word voorligting en inligting verskaf oor die Afrikaner se staatstrewe, sy republikeinse tradisie en demokratiese waardes, oor die omlynde gebied en oor optrede om sy vryheid te herstel. Op die tweede terrein word daar gepoog om volhoubare ontwikkeling te bevorder wat die Afrikaner se ekonomiese, kulturele en politieke selfstandigheid vestig en versterk.

Werksaamheid in Orania

Netwerk[wysig]

Orania wil deur die bou van ’n effektiewe netwerk die ondersteuningsbasis van die Orania ideaal daadwerklik uitbrei. Vir hierdie doel het die Beweging ’n kantoor op Orania tot stand gebring. Die kantoor beskik oor ’n omvattende databasis, administratiewe en finansiële stelsels en kundige personeel om die netwerk prakties te laat werk. Die kantoor op Orania word ondersteun deur ’n groeiende aantal belangekantore en skakelpersone in die onderskeie provinsies van Suid-Afrika. Gedurende Julie 2006 het die Buitelandse Vriende van Orania tot stand gekom en kan Afrikaners in die buiteland ook nou lid word van die Orania Beweging.

Skakeling en inligting[wysig]

Die struktuur van Orania maak dit moontlik vir individue en instellings om aan te sluit en deel van die dorp te word. Die Oraniabeweging hou sy lede op hoogte met die vordering in Orania met gereelde inligtingstukke, die tydskrif Voorgrond, ’n elektroniese nuusbrief en belangwekkende konferensies in Orania en ander sentra. Die Beweging speel ook ’n belangrike rol in Orania se deurlopende skakeling met meningsvormers, die pers en ander openbare instellings.

Groei[wysig]

Orania se sukses en groei sal direk afhang van sy vermoë om sy ondersteuningsbasis uit te brei. ’n Mens kan jou die staat Israel vandag nie voorstel of sy ontstaan bedink sonder die rol wat tallose instellings gespeel het nie. Net so min kan mens dit sonder die rol en bydraes van die Jode wêreldwyd, saamgevat in die Sioniste Beweging, bedink. Sonder so ’n beweging word die idee en die praktyk nie versoen nie. Daarom moet die Orania Beweging kragte binne en buite Orania saamvat om van die “groter Orania” ’n ware Afrikanertuiste te maak.

Die bevolking van Orania

Geskiedenis[wysig]

In Desember 1990 het sowat 40 Afrikanergesinne onder leiding van Carel Boshoff die vervalle ou nedersetting vir sowat R1,5 miljoen gekoop. Die dorp word privaat besit deur die Vluytjeskraal Aandeleblok-maatskappy, wat ook die dorp bestuur. Ook betrokke by die bestuur van die dorp is die Orania Beweging, ’n Afrikaanse kultuurpolitieke beweging wat hom beywer vir die herstel van die Afrikaner se vryheid in ’n eie, demokratiese Republiek wat ingerig word op grond van Christelike waardes en oortuigings.

Vorige bewegings[wysig]

Die idee van ’n uitsluitlik Afrikanernedersetting in moderne Suid-Afrika is nie ’n nuwe idee nie. In die tagtigerjare is ’n groep genaamd die Oranjewerkers gestig. Hulle het ook ’n gemeenskap onder “Afrikaner Selfwerksaamheid” beplan, maar was onsuksesvol in hulle poging om ’n neo-boerestaat in die afgeleë gemeenskap van Morgenzon te skep.

Vlag[wysig]

Ou vlag (1994-2004)[wysig]

Die ou vlag is nie heeltemal gebaseer op dié van die ou Transvaal s’n nie, omdat die rooi verander was na oranje vir die Oranje Vrystaat. Volgens hulle was dit die "Vryheidsvlag" of ’n nuwe "Vierkleur". Die eerste keer toe dit gehys is, was in die nag van 26 April 1994 (toe apartheid amptelik afgeskaf is). Dit is nie net ’n kombinasie van die ontwerp van die vlag van die Zuid-Afrikaansche Republiek (Transvaal) met die oranje van die vlag van die Oranje Vrystaat nie, maar ook die gebruik van die oranje-wit-blou van die "Prinsenvlag" van die "Dietse" voorouers van die Boere en die voormalige Vlag van Suid-Afrika, maar met ’n groen streep by die takel.

Nuwe vlag (2004-)[wysig]

Die nuwe vlag van Orania is sedert 2004 in gebruik. Op die vlag staan ’n seuntjie wat sy moue oprol, hierdie simboliseer die Afrikaner volk wat moeg is vir hulle onderdrukking en dit sal teenwerk.

Nieamptelike vlag (Nie in gebruik)[wysig]

Die nieamptelike vlag van Orania bestaan uit ’n seun op die voorgrond met die agtergrond wat lyk na die Prinsevlag van koning Willem van Oranje. Die blou simboliseer die Oranjerivier se water.

Die nieamptelike vlag van Orania

Onderwys[wysig]

Daar is twee skole op Orania, naamlik Orania CVO-skool en Volkskool Orania. Die laasgenoemde het sy eie skoolstelsel wat effe onortodoks is gemeet aan Suid-Afrikaanse standaarde. Die klaskamer het ’n sakeagtige opset en is feitlik totaal gerekenariseerd. Die “onderwyser” tree meer soos ’n gids op, en anders as in die meeste skole word daar nie lesings gegee nie. Die sagteware wat daarby gebruik word, heet KenWeb. Dit is op Orania ontwikkel en dit word deur die hele Suid-Afrika gebruik.

Ekonomie[wysig]

Gedurende April 2004 het Orania sy eie geldeenheid, die Ora amptelik in gebruik geneem. Dis gebaseer op die idee van inkopiekoepons, wat oor die algemeen deur groot inkopiesentrums regoor Suid-Afrika ingespan word (normaalweg in die vorm van geskenkbewyse). Orania se plaaslike bank, die Orania Spaar- en Kredietkoöperatief, is in beheer van die nuwe onderneming. Die hoofdoel van die idee is om plaaslike ekonomiese groei te stimuleer deur die plaaslike hulpbronne in te span deur dit te spaar, terwyl handel steeds plaasvind deur die Ora te gebruik.

Die Ora

Orania vandag[wysig]

Carel Boshoff IV, huidige president van Orania

Vandag is Orania die tuiste van meer as 1 000 Afrikaners. Orania geniet glo die ondersteuning van ongeveer 10 000 aktiewe lede van die Orania Beweging (2012).

Orania se posisie wat betref die Afrikanervolk se vryheidsideaal is vandag die sterkste tot nóg toe, ná die gemeenskap twee ernstige uitdagings te bowe gekom het.

Wetlike Sake[wysig]

  • In 2000 het Orania ’n hofsaak teen die Suid-Afrikaanse regering gewen wat bepaal het dat die dorp nie deel van die Hopetown-munisipaliteit sal vorm nie. Sodoende het die gemeenskap van Orania hul reg op selfbeskikking suksesvol verdedig.
  • In 2005 het ’n groep Kleurlinge ’n grondeis van 483 ha in Orania ingedien aangesien hulle op informele basis tussen 1965 en 1991 in die omgewing van die hedendaagse Orania gewoon het. Ná die gebied in 1991 deur die stigters van Orania by die departement van waterwese gekoop is, is die Kleurlinge verplig om die privaat eiendom te verlaat. Die gemeenskap van Orania het die grondeis vurig teengestaan. Die saak is in 2006 afgehandel na die Suid-Afrikaanse regering R2 900 000 aan die eisers betaal het.

Woonbuurte[wysig]

Minder gegoede gesinne het van meet af woonplek ingeneem in klein huisies op Kleingeluk. Baie van die meer gegoede inwoners woon in die nabye woonbuurt Grootdorp.

Grootskaalse ontwikkeling en opknapping van Kleingeluk het gelei tot ’n groter samehorigheidsgevoel tussen Orania se inwoners. Vandag kan die wonings van Orania se bekendste burgers in Kleingeluk gevind word, onder meer Frans de Klerk, Orania Dorpsbestuurder, en Jaco Kleynhans, uitvoerende hoof van die Orania Beweging, woon ook op Kleingeluk.

Die ontwikkeling van ’n nuwe woonbuurt, Orania-Wes, vind tans volstoom plaas. Talle nuwe huise word in Orania-Wes opgerig deur Afrikanerbouspanne. Die meeste van Orania se pragtige Karoo-argitektuurstyl wonings kan in Orania-Wes gesien word.

Toerisme[wysig]

Orania se toerismebedryf het sedert 2006 besonderse groei getoon. ’n Luukse rivierspa en boutiekhotelkompleks, die Orania Hotel en Spa, is in 2009 by die Aan die Oewer-vakansieoord voltooi. Die hotel is in 2010 uitgebrei na 12 spogkamers. Aan die Oewer-vakansieoord en talle landelike gastehuise op Orania bied besoekers ’n verskeidenheid verblyfopsies. In 2009 het Orania Toere, die dorp se eerste geregistreerde toeroperateur, begin handel dryf.

Publieke Reaksies[wysig]

Regeringsreaksie oor Orania[wysig]

Op 4 Junie 1998 het die minister vir staatkundige ontwikkeling en provinsiale sake, Valli Moosa, in ’n parlementêre begrotingsdebat gesê dat "die strewe deur sommige Afrikaners na die ontwikkeling van die Noordwes-Kaap as ’n tuiste vir Afrikanertaal en -kultuur binne die raamwerk van die Grondwet en die Handves van Menseregte, na die mening van die regering, inderdaad ’n legitieme strewe is".

Duitse dokumentêre film, Orania (2012)[wysig]

Die Orania film is ’n Duitse dokumentêre film geskryf en geregisseer deur Tobias Lindner. Die film is ’n insig in die sosiale ervarings van die dorp Orania, Noord-Kaap, ’n uitsluitlike Afrikaner enklawe in Suid-Afrika. Die film ondersoek kulturele identiteit en die lyn tussen selfbeskikking en diskriminasie. Op 12 April 2012 is die film vrygestel. Die film het in die wêreld première by die Raindance Film Festival op 28 September 2012 in Londen, waar dit meegeding het in die kategorie vir "Beste dokumentêr".

Sien ook[wysig]

Verwysings[wysig]

Eksterne skakels[wysig]