Oranjerivier

in Wikipedia, die vrye ensiklopedie
Spring na: navigasie, soek
Oranjerivier
Senqurivier / Garieprivier
Satellietbeeld van die Oranjerivier.
Satellietbeeld van die Oranjerivier.
Orange watershed plain.png
Die stroomgebied van die Oranjerivier.
Oorsprong Drakensberge (Lesotho)
Sytak -links Telerivier, Kraairivier
Sytak -regs Caledonrivier, Vaalrivier
Monding Namibië en Suid-Afrika
Atlantiese Oseaan
Stroomgebied Lesotho, Suid-Afrika, Namibië
Lengte 2 200 km (1 367 myl)
Oorsprong-hoogte 3 350 m (10 991 voet)
Monding-hoogte 0 m
Stroomgebiedopp. 973 000 km² (375 677 myl²)
Ligging van Oranjerivier op 'n kaart (Suid-Afrika)
Oranjerivier
Oranjerivier
Koördinate: 28°38′″S 16°27′″O Koördinate: 28°38′″S 16°27′″O

Die Oranjerivier (Engels: Orange River) die rivier is in 1779 deur kolonel Robert J. Gordon so gedoop ter ere van die Nederlandse Prins van Oranje[1]) is die grootste rivier in Suid-Afrika. Dit word ook soms die Gariep genoem. In Lesotho word die rivier die Senqu genoem.

Die rivier ontspring in die Drakensberge van Lesotho, naby die grens met Suid-Afrika. Dit vloei weswaarts op die grens van die Vrystaat met die Oos-Kaap, deur die Noord-Kaap en vorm uiteindelik die suidelike grens tussen Suid-Afrika en Namibië, voordat dit uitmond in die Atlantiese Oseaan by Alexanderbaai, omtrent halfpad tussen Walvisbaai en Kaapstad. Die N6, N10, N1, N12 en N14 nasionale paaie kruis die rivier.

Die Augrabieswaterval is in die Noord-Kaap en daar tuimel die Oranjerivier 60m na benede.

Takriviere[wysig]

Die grootste takrivier is die Vaalrivier wat die Oranjerivier suidwes van Kimberley ontmoet. Ander kleiner syriviere van die Oranje- en die Vaalrivier is die Brak-, Caledon-, Harts-, Klip-, Kraai-, Modder-, Mooi-, en Vetriviere, wat die hele Vrystaat, Lesotho en groot dele van die ou Transvaal- en Kaapprovinsies dreineer.

Die Oranjerivier verskaf water vir vele landbou-aktiwiteite, veral in die Noord-Kaap.

Opgaardamme: die vinnige afloop van die rivier word gestuit deur die Gariepdam (voorheen Hendrik Verwoerddam) en Vanderkloofdam. Die damme stoor water in die reënseisoen, wat beheersd vrygelaat word vir besproeiing.

Baie boere gebruik ook die Oranjerivier se water vir besproeiing van landerye.

Kanoneiland is die grootste eiland in die rivier.

Visse in die Oranjerivier[wysig]

Die volgende visse kom voor in die rivier: Oranjerivier-moddervis, Kleinbek-, Grootbek-geelvis en Skerptandbaber.

Sien ook[wysig]

Verwysings[wysig]

  1. Van Hoven, Lynette: Soetigheid uit die sterke. In: Suid-Afrikaanse Panorama, jaargang 35, nommer 1 (Januarie/Februarie 1990), bl. 39