Orléans

in Wikipedia, die vrye ensiklopedie
Spring na: navigasie, soek

Orléans
France Orleans Cathedrale Pont Georges V 01.JPG

Kaart Wapen
Orleans dot.png
Blason Orléans.svg
Vlag
Flag of Orleans.svg
 Land Flag of France.svg Frankryk
 Administratiewe gewes Flag of Centre (France).svg Centre
 Département Blason département fr Loiret.svg Loiret
 Koördinate 47°54′N 1°54′O
 Stigting 3de eeu
 Oppervlakte:  
 - Totaal 27,48 vk km
 Hoogte bo seevlak 90-124 m
 Bevolking:  
 - Totaal (2008) 113 257
 - Bevolkingsdigtheid 4 121/vk km
 - Metropolitaanse gebied 369 104
 Tydsone UTC +1
 - Somertyd UTC +2
 Burgemeester Serge Grouard
 Amptelike webwerf orleans.fr

Orléans is 'n stad in die noorde van Sentraal-Frankryk, sowat 130 kilometer suidwes van Parys, met 113 257 inwoners (2008). Dit is die prefektuur (hoofstad) van die département Loiret en die région (streek) Centre.

Johanna van Arkel dra die bynaam "Jonkvrou van Orléans".

Geskiedenis[wysig]

Die katedraal van Orléans, wat in die tydperk tussen 1278 en 1329 opgerig is, is gewy aan die Heilige Kruis. Na sy verwoesting deur Hugenote in die 1560-erjare is dit deur die konings van die Bourbon-dinastie herstel

Orléans is tydens die Romeinse heerskappy in Gallië as die stad van die Aureliani, die destydse heersershuis, gestig. Die huidige Franse naam verwys etimologies nog steeds na hierdie dinastie. Attila probeer in 451 om die stad in te neem en te plunder, maar word in die laaste minuut deur 'n leër onder die gemeenskaplike bevel van die Wes-Goot Theodoridus en die Romeinse generaal Flavius Aëtius verdryf.

Die Frankiese koning Clovis I verower Orléans in die jaar 487 en lyf dit by die Frankiese Ryk in. Danksy die sentrale ligging groei dit tot een van die belangrikste Frankiese stede en dien as die hoofstad van die suidwestelike deelryk.

Die Karolingiese heersershuis bevorder Orléans in die 8ste en 9de eeu ook as 'n opvoedkundige sentrum, wat bekend staan vir sy eersterangse skole.

Die Engelse troepe dring Frankryk tydens hulle invalle die Honderdjarige Oorlog nie verder binne as tot by Orléans nie. Hulle beleër die stad in 1429, maar Johanna van Arkel slaag daarin om Orléans te ontset.

Eksterne skakels[wysig]