Ortodokse Kerk in Amerika

in Wikipedia, die vrye ensiklopedie
Spring na: navigasie, soek
Ortodokse Kerk in Amerika
Die St. Nicholas-katedraal in Washington, D.C.
Die St. Nicholas-katedraal in Washington, D.C.
Moederkerk Russies-Ortodokse Kerk
Stigtingsjaar 1970 (outokefalie)
Status Word net deur sommige Ortodokse kerke as outokefaal beskou
Kerkleiding
Hoof Tikhon (Mollard)
Hoof se titel Aartsbiskop van Washington, Metropoliet van die Hele Amerika en Kanada
Setel Syosset, New York
Besonderhede
Liturgie Bisantyns
Liturgiese taal   Engels, Kerkslawies, Spaans
Gelowiges 84 900 (in VSA)
Webtuiste
http://www.oca.org

Die Ortodokse Kerk in Amerika is ’n outokefale Oosters-Ortodokse Kerk in Noord-Amerika wat in volle gemeenskap met die ander Oosters-Ortodokse kerke is, hoewel nie almal sy outokefalie aanvaar nie. Die primaat van die kerk het die titel Aartsbiskop van Washington, Metropoliet van die Hele Amerika en Kanada. Die Kerk se hoofkantoor is in Syosset, New York, en bestaan uit meer as 700 gemeentes, sendings, gemeenskappe en kloosters hoofsaaklik in die VSA en Kanada, met bykomende gemeentes en sendings in Mexiko en Australië. Skattings van die aantale lidmate wissel tussen 27 169 en 1 064 000.

Geskiedenis[wysig]

Die Kerk se geskiedenis het in 1794 begin met die aankoms van agt Russies-Ortodokse monnike op Kodiak-eiland, Alaska, wat toe deel van Rusland was. Hulle het ’n Christelike sending in Alaska gestig wat ’n gemeente van die Russiese Kerk geword het ’n paar jaar nadat die VSA Alaska in 1867 van Rusland gekoop het. Teen die laat 19de eeu het die Russies-Ortodokse Kerk in ander dele van Amerika gegroei danksy die aankoms van immigrante uit dele van Europa en die Midde-Ooste. Al die mense van verskillende etnisiteite is saamgesnoer in ’n enkele Noord-Amerikaanse gemeente van die Russiese Kerk.

Weens die groot ontwrigting wat die Russiese Rewolusie van 1917 meegebring het, het patriarg Tichon van Moskou in 1920 opdrag gegee dat Russies-Ortodokse kerke buite Rusland beheer van hulle eie kerke neem indien die sentrale administrasie buite aksie gestel word of nie gekontak kan word nie.[1] Sommige van die kerke het dit gebruik as basis vir die verklaring van hul outokefalie sonder dat die sentrale administrasie buite aksie gestel is. Hoewel sommige etniese gemeentes by ander Ortodokse kerke aangesluit het, het baie ander gemeentes in 1924 die administratief selfregerende Russies-Ortodokse Grieks-Katolieke Kerk in Amerika gestig.

In 1970 het die Russiese Kerk die outokefalie van die Russies-Ortodokse Grieks-Katolieke Kerk in Amerika erken en dit is hernoem na die Ortodokse Kerk in Amerika. Hoewel al die Oosters-Ortodokse Kerke nie die Amerikaanse kerk se outokefalie erken nie, is die kerk in volle gemeeenskap met hulle.

Verwysings[wysig]

  • Constance J. Tarasar (red.) Orthodox America: The Orthodox Church in America Syosett, New York 1975
  1. Ukaz No. 362

Eksterne skakels[wysig]

Outokefale Oosters-Ortodokse Kerke
Ekumeniese Patriargaat van KonstantinopelGrieks-Ortodokse Kerk van AlexandriëGrieks-Ortodokse Kerk van AntiogiëGrieks-Ortodokse Patriargaat van JerusalemRussies-Ortodokse KerkGeorgies-Ortodokse en Apostoliese KerkSerwies-Ortodokse KerkRoemeens-Ortodokse KerkBulgaars-Ortodokse KerkKerk van SiprusKerk van GriekelandPools-Ortodokse KerkOrtodokse Kerk van AlbaniëOrtodokse Kerk van Tsjeggië en Slowakye • (Ortodokse Kerk in Amerika)