Oswald Mtshali
Oswald Mtshali | |
|---|---|
| Gebore | Oswald Mbuyiseni Mtshali 17 Januarie 1940 |
| Nasionaliteit |  Suid-Afrika |
| Beroep | Digter |
| Bekend vir | Gedigte |
Oswald Mbuyiseni Mtshali (gebore 17 Januarie 1940) is 'n Suid-Afrikaanse digter. Hy skryf in Zoeloe en Engels. Hy het aan die Universiteit van Columbia studeer en woon tans in Soweto.
Mtshali was 'n bode in Soweto voordat hy sy eerste boek, Sounds of a Cowhide Drum (1971), gepubliseer het. Die bundel is in 1974 met die Olive Schreiner-prys vereer. Dit is een van die eerste digbundels deur 'n swart digter wat wyd versprei is, en het heelwat debat onder liberale witmense in Suid-Afrika ontketen. Die boek was 'n kommersiële sukses vir sy uitgewer, Lionel Abrahams.[1]
Ná sy sukses as 'n digter het Mtshali 'n opvoeder geword. Hy was die onderhoof van Pace College, 'n kommersiële skool in Soweto. Hy het ook aan die New York City College of Technology gedoseer.[2]
Sien ook[wysig | wysig bron]
Verwysings[wysig | wysig bron]
- ↑ McClintock, Ann. "'Azikwelwa' (We Will Not Ride): Politics and Value in Black South African Poetry" (Critical Inquiry, Vol. 13, No. 3 [1987], 597-623), 612.
- ↑ Chisholm, Linda. "Redefining Skills: Black Education in South Africa in the 1980s" (Comparative Education, Vol. 19, No. 3. [1983], 357-371), 364.
