Otavi

in Wikipedia, die vrye ensiklopedie
Otavi
'n Lugbeeld van Otavi in 2018
'n Lugbeeld van Otavi in 2018
Wapen van Otavi
Wapen
Leuse(s): 
Volhard en Oorwin
Otavi is in Namibia
Otavi
Otavi
Koördinate: 19°39′S 17°20′O / 19.650°S 17.333°O / -19.650; 17.333Koördinate: 19°39′S 17°20′O / 19.650°S 17.333°O / -19.650; 17.333
LandVlag van Namibië Namibië
StreekOtjozondjoepa
KiesafdelingOtavi
Bevolking
 • Totaal3 813
TydsoneUTC+2 (SAST)

Otavi is 'n dorp met 4 000 inwoners in die Otjozondjoepa-streek van sentraal Namibië. Dit is die hoofstad van die Otavi-kiesafdeling. Groot dele van die gebied is dolomiet (Prekambries) en was in die verlede bekend vir sy minerale rykdom. Meeste van die voorrade is egter nou uitgeput.

Elefantenberg naby Otavi

Op die plaas Khorab, 2,6 km noord van Otavi is 'n gedenkteken ('n klip) wat die onderhandelinge tussen die Suid-Afrikaanse en Duitse troepe tydens die Eerste Wêreldoorlog aandui. Die onderhandelinge het gelei tot die Vrede van Khorab op 9 Julie 1915 en die oorgawe van ongeveer 4 000 Duitse soldate.[1]

Ekonomie[wysig | wysig bron]

Heelwat van die dorp se ekonomie maak staat op die twee kruidenierswinkels, 'n meul, twee banke, twee vulstasies, en baie omliggende veeplase, sowel as 'n handjievol ander klein besighede. Die eienaars van die meeste van hierdie ondernemings is wit Afrikaners of Duitsers.

Weens finansiële wanbestuur, het Otavi sy dorpstatus in 2004 verloor en is afgegradeer tot 'n "nedersetting". Nadat inkomste weer verbeter het, is dorpstatus in November 2010 weer herstel. Met die stigting van die Ohorongo-sementfabriek en 'n goudmyn wat sou geopen het, is die besigheid en diens veronderstel om aansienlik te verbeter.

Die B1-hoofweg gaan deur die dorp.

Die Spelonkbaber (Clarias cavernicola) is endemies aan die Aigamasgrot naby Otavi.

Kadmiumkarbonaat word hier in die natuur as die mineraal otaviet aangetref, genoem na die Otavi-gebergte.[2]

Verwysings[wysig | wysig bron]

  1. Cassidy, Joseph (2009). Place Names of Namibia A Historical Dictionary. Windhoek: Macmillan Education Namibia Publishers (Pty) Ltd. p. 85. ISBN 978-99916-0-654-5.
  2. "Otavite". Mindat 3040.

Eksterne skakels[wysig | wysig bron]