Ottawa

in Wikipedia, die vrye ensiklopedie
Spring na: navigasie, soek

Ottawa
OttawaCollage.png

Kaart Wapen
Map of Ontario OTTAWA.svg
Blason ville ca Ottawa (Ontario).svg
Vlag
Flag of Ottawa, Ontario.svg
 Land Vlag van Kanada Kanada
 Provinsie Flag of Ontario.svg Ontario
 Koördinate 45°41′N 75°7′W
 Stigting 1826 (Town of Bytown)
 Inkorporasie 1855 (City of Ottawa)
 Oppervlakte:  
 - Totaal 2 778,13 vk km
 Hoogte bo seevlak 70 m
 Bevolking:  
 - Totaal (2011) 883 391
 - Bevolkingsdigtheid 316,6/vk km
 - Metropolitaanse gebied 1 236 324
 Tydsone UTC -5 (Oostelike tyd)
 Burgemeester Jim Watson
 Amptelike Webwerf www.ottawa.ca

Ottawa is sedert 1857 die hoofstad van Kanada. Die stad is die vierde grootste in die land en lê in die Ottawavallei, aan die oewer van die Rivière des Outaouais, wat hier die grenslyn tussen die provinsies Ontario en Québec vorm. In teenstelling met die hoofstede van lande soos die Verenigde State en Australië bestaan daar geen nasionale hoofstaddistrik nie; Ottawa is 'n munisipaliteit van die provinsie Ontario.

Ottawa het 'n bevolking van meer as 883 400, die metropolitaanse gebied het 1 236 324 inwoners (2011). Sowat 'n derde van die inwoners in die stad en die helfte van die metropolitaanse bevolking is Franstalig, en Ottawa is een van min groot Kanadese stede wat as funksioneel tweetalig beskou kan word.

Bekende besienswaardighede is sy katedrale en parlementsgeboue op die Colline parlementaire (Parlementsheuwel). Belangrike nywerhede sluit waterkrag, saagmeulens, papier, meel, leer, vuurhoutjies, masjiene en yster in.

Geografie[wysig]

Ottawa lê teen die suidelike oewer van die Rivière des Outaouais, by die monding van die Rideaukanaal, Rideaurivier en Gatineaurivier. Die oudste wyke van die stad, Lower Town, lê in die gebied tussen die Rideaukanaal en die Rideaurivier. Die finansiële en kommersiële sentrum van Ottawa is Centre Town aan die teenoorliggende oewer. Parlementsheuwel (Colline parlementaire of Parliament Hill), die setel van die Kanadese regering, lê tussen die stadsentrum en die Rivière des Outaouais.

Geskiedenis[wysig]

Die gebied van Ottawa was oorspronklik die tuisland van die Algonkin, een van se Kanada se Eerste Nasies. Die eerste Europese nedersetting het in 1800 ontstaan, toe Philemon Wright 'n dorp aan Québec se kant van die Outaouaisrivier gestig. Die rivier het 'n belangrike rol gespeel by die vervoer van houtstamme uit die Ottawavallei na Montréal.

Geskiedkundige geboue in Elgin-straat

In die tydperk ná die Oorlog van 1812 het die regering begin om die vestiging van immigrante in die gebied bevorder, en naas Ierse Katolieke en Protestante was dit veral Franstalige Kanadese wat hulle in Ottawa kom vestig het. Hier het hulle veral by die Rideaukanaalprojek en in die houtbedryf 'n nuwe heenkome gevind.

Ná die voltoiing van die kanaal het die bevolking van die gebied vinnig gegroei. Die westelike kant van die kanaal met die Parlementsgeboue het sedert hierdie tydsperk as die Uppertown bekend gestaan, terwyl die ooste die Lowertown gevorm het. Die laasgenoemde was aanvanklik 'n oorbevolkte krotbuurt, waar herhaaldelik epidemiese siektes soos cholera (in 1832) en maagkors (in 1847) uitgebreek het.

Ottawa het tot die Noord-Amerikaanse sentrum van die houtbedryf ontwikkel en begin om langs die Outaouaisrivier uit te brei. Ottawa het oorspronklik as Bytown bekend gestaan, maar met die inkorporasie van die stad in 1855 is die naam amptelik gewysig tot Ottawa. Met die insluiting van 'n aantal plaaslike munisipaliteite in 2001 het Ottawa se bevolking aansienlik toegeneem.

Ekonomie[wysig]

Alhoewel Ottawa hoofsaaklik as administratiewe sentrum dien en die federale regering reeds in 1940 tot die grootste werkgewer ontwikkel het, is daar ook nywerhede wat voordeel trek uit die hidroëlektriese kragopwekking by die Chaudière-waterval van die Ottawavallei en in die Gatineauvallei. Die belangrikste goedere wat hier vervaardig word, is papier en papierprodukte, gedrukte materiaal, telekommunikasietoerusting en elektroniese goedere.

Met meer as vier miljoen besoekers jaarliks, speel toerisme ook 'n belangrike rol in die plaaslike ekonomie.

Besienswaardighede[wysig]

Ysmuseum tydens die Winterlude-fees
  • Canada Aviation Museum (Kanadese Lugvaartmuseum) - Hier kan iedereen 'n kubervlieënier in die vliegtuigsimulator wees (2421 Lancaster Road/Lancasterweg).
  • Colline parlementaire/Parliament Hill (Parlementsheuwel) met die Parlementsgeboue in die Neogotiese styl is 'n bekende baken van die "Capitale nationale". Die geboue met hulle kenmerkende groen koperdakke word teen die middel van die 19de eeu opgerig. Die Vredetoring (Peace Tower) van die sentrale hoofgebou dien met sy hoogte van 92 meter as 'n uitstekende uitkykpunt.
  • Rideau Canal is die wêreld se grootste ysskaatsbaan (Smiths Falls, 34 a Beckwith Street, S./Beckwithstraat-Suid). Die kanaal, wat in 1832 opgerig is, is sowat 200 kilometer lank en dien oorspronklik as militêre en vervoerverbinding wat tot by Kingston aan die Ontariomeer strek. Vandag is dit 'n vermaaklikheidsterrein wat tydens die somer oop is vir kanoes, sport- en seilbote.
  • Die Bytown Museum lê digby die kanaal en behandel die geskiedenis van die stad en die kanaalbou.
  • Die Château Laurier aan die oostelike kant van die Rideaukanaal is in 1912 deur die spoorwegmaatskappy Canadian Pacific Railroad opgerig. Die luukse hotel is in die boustyl van 'n Franse kasteel ontwerp en bekoor met sy torings en groen koperdakke.

Inkopies[wysig]

  • ByWard Market dien al vir 'n halfeeu as die tradisionele boeremark van Ottawa. In sy omgewing lok 'n groot aantal klein kroeë, boetieke en galerye besoekers (oos van Rideau Canal en Parliament Hill)
  • Rideau Centre versamel meer as 180 groot name uit die handelswêreld (50 Rideau Street/Rideaustraat 50)
Commons-logo.svg
Wikimedia Commons het meer media verwant aan:
Ottawa (kategorie)


Vlag van Kanada Hoofstede van Kanada Wapen van Kanada
Hoofstede CharlottetownEdmontonFrederictonHalifaxIqaluitOttawaQuebecstadReginaSt. JohnsTorontoVictoriaWhitehorseWinnipegYellowknife