Ottomaanse Griekeland
Deel van 'n reeks oor die |
|---|
| Geskiedenis van Griekeland |
 |
| Griekse Bronstydperk |
| Egeïes • Helladies • Sikladies • Minoïes • Miceens |
| Antieke Griekeland |
| Donker eeue • Argaïes • Klassiek • Hellenisties • Romeins |
| Middeleeuse Griekeland |
| Bisantyns • Frankies en Latyns • Ottomaans |
| Moderne Griekeland |
Die grootste deel van moderne Griekeland was die een of ander tyd, van die middel van die 15de eeu tot sy onafhanklikverklaring in 1821, deel van die Ottomaanse Ryk. Dié tydperk was bekend as die Turkokrasie (Grieks: Τουρκοκρατία, of "Turkse heerskappy").[1]
Oorname[wysig | wysig bron]
Die Bisantynse Ryk, die opvolgerstaat van die antieke Romeinse Ryk wat 1100 jaar lank oor die grootste deel van die Griekssprekende wêreld geheers het, het algaande verswak ná die inval deur die Kruisvaarders van die Vierde Kruistog in 1204.
Intussen het die Ottomaanse Turke eers Serwië verower en daarna was hul pad oop na Konstantinopel. Hulle het die stad in 1453 verower en daarna suid na Griekeland beweeg, waar hulle Athene in 1458 verower het. Die Peloponnesos het tot in 1460 uitgehou en Venesië en Genua het ’n paar eilande behou, maar teen 1500 was die grootste deel van Griekeland en die eilande onder Ottomaanse beheer.
Siprus het in 1571 geval en Kreta in 1669.
