Ouderkerk aan de Amstel

in Wikipedia, die vrye ensiklopedie
Spring na: navigasie, soek
Ouderkerk aan de Amstel
Brug oor die Bullewijk
Brug oor die Bullewijk
Ligging van Ouderkerk aan de Amstel in Ouder-Amstel
Ligging van Ouderkerk aan de Amstel in Ouder-Amstel
Koördinate: 52°17′00″N 4°54′00″O
Land Vlag van Nederland Nederland
Provinsie Flag North-Holland, Netherlands.svg Noord-Holland
Munisipaliteit Ouder-Amstel flag.svg Ouder-Amstel
Bevolking (2005)
 - Dorp 8 228
Pleknaambord

Ouderkerk aan de Amstel is 'n dorp in die provinsie Noord-Holland, gedeeltelik geleë in die munisipaliteit Ouder-Amstel en gedeeltelik in die munisipaliteit Amstelveen (die deel wes van die rivier), op die plek waar die Bullewijk uitmond in die Amstel.

Die dorp lê in die suide van Amsterdam, in die ooste van Amstelveen en effens noord van die grens met die provinsie Utrecht. Die aantal inwoners bedra 8 228 (1 Januarie 2005) en daar is 269 besighede daar gevestig, waarvan 60 plase is. Die grootste deel van die dorp lê in die ooste van die Amstel in die gemeente Ouder-Amstel en dit sluit die dorpsentrum en die gemeentehuis in.

Ouderkerk het 'n ou en nuwe gedeelte. Die ou gedeelte is ryk aan kultuurgoed, met 'n 18de eeuse Hervormde Kerk, 'n 19de eeuse neogotiese katolieke kerk (die Urbanuskerk) ontwerp deur Pierre Cuypers en die eeue-oue Portugees-Joodse begraafplaas Beth Haim met -vir Nederland- unieke gebeeldhoude grafte.

Die kasteel van die Heren van Aemstel, wat Amstelland begin het en waaruit Amsterdam ook later ontstaan het, het waarskynlik hier gestaan. Ouderkerk is omtrent twee eeue ouer as Amsterdam. Die Heren van Aemstel was vasalle van die biskop van Utrecht en later van die grawe van Holland. Hulle het verskillende kere in opstand gekom teen hulle leenhere, maar dit het nie goed afgeloop nie.

In die ou gedeelte van Ouderkerk is daar ook heelwat restaurante en winkels. Die nuwe gedeelte bestaan uit 'n woongebied en 'n klein hawe.

Noord van Ouderkerk is die Ouderkerkerdijk en die de windmeun De Zwaan.

In die suide van Ouderkerk is die polder Ronde Hoep. Die roete oor die polderdyk via die Waver is 'n gewilde fiets- en wandelpad vir Amsterdammers. Ander ontspanningsmoontlikhede is roei op die Botshol, en watervertier op die Ouderkerkerplas.

Ouderkerk het 'n halte langs de Zuidtangent, 'n vinnige busverbinding rigting Amstelveen en Amsterdam Zuidoost.

Eksterne skakels[wysig]