Noordwes-Universiteit

in Wikipedia, die vrye ensiklopedie
(Aangestuur vanaf PU vir CHO)
Noordwes-Universiteit
North West University
Yunibesiti ya Bokone-Bophirima

Motto:Innovasie deur diversiteit
Gestig:2004
Tipe:Openbare universiteit
Vise-Kanselier:Prof. Dan Kgwadi
Rektor:Prof. Daryl Balia
Fakulteite:15
Studente:54 307 (2010) (insl. afstand)
Voorgraadse studente:51 967 (2010)
Nagraadse studente:2 340 (2010)
Ligging:Potchefstroom
Mahikeng
Vereeniging
, Noordwes, Suid-Afrika
26°39′13″S 27°11′11″O / 26.65361°S 27.18639°O / -26.65361; 27.18639Koördinate: 26°39′13″S 27°11′11″O / 26.65361°S 27.18639°O / -26.65361; 27.18639
Voormalige name:Potchefstroomse Universiteit vir Christelike Hoër Onderwys
Universiteit van Noordwes
Koerant:Die Wapad
Sport:Aërobiese oefeninge, Atletiek (Baan en veld, landloop en padwedlope), Basketbal, Gholf, Gimnastiek, Hokkie, Judo, Kanovaart, Karate, Krieket, Muurbal, Netbal, Pluimbal, Ringbal, Rotsklim, Rugby, Sagtebal, Skaak, Sokker, Swem, Taekwondo, Tafeltennis, Tennis, Veelkampe, Vlugbal.
Kleure:Maroen, groen, blou             
Bynaam:Pukke
Gelukbringer:Tarentaal
Atletiek:NWU-PUK
Webtuiste:http://www.nwu.ac.za/

Die Noordwes-Universiteit (bynaam "Pukke"), voorheen bekend as die Potchefstroomse Universiteit vir Christelike Hoër Onderwys (afgekort: P.U. vir C.H.O.), voordat dit met ander instellings saamgesmelt het om die Noordwes-Universiteit te vorm, is in 2004 gestig. Dit is ’n medium grootte Suid-Afrikaanse universiteit. Onderrig geskied hoofsaaklik in Afrikaans op die Potchefstroom-kampus en in Engels op die ander kampusse, naamlik Mafikeng en Vaaldriehoek (Vanderbijlpark).

Geskiedenis[wysig | wysig bron]

Die Potchefstroomse Universiteit het ontwikkel uit die Teologiese Skool van die Gereformeerde Kerke van Suid-Afrika (GKSA), wat op 29 November 1869 op Burgersdorp (Kaapprovinsie) gestig is met die grondlegger van die GKSA, ds. Dirk Postma, as eerste lektor. By die stigtingsvergadering is besluit dat die skool onderrig sal verskaf aan toekomstige onderwysers en ander persone, sonder om enige voorkeur aan ’n spesifieke professie te gee. Aanvanklik was daar vyf studente en twee lektore, Postma en ds. Jan Lion Cachet.

In 1877 word ’n "Letterkundedepartement" gevestig, met een professor, ds. Petrus Postma, 'n seun van ds. Dirk Postma, wat die spesifieke doel gehad het om studente op te lei vir ’n akademiese graad of as onderwysers.

In 1905 word die Teologiese Skool, tesame met die Letterkundedepartement, verskuif van Burgersdorp na Potchefstroom.

Ten einde te kwalifiseer vir regeringsubsidies, word die Letterkundedepartement in 1919 van die Teologiese Skool geskei en die Het Potchefstroom Universiteitskollege voor Christelike Hooger Onderwijs (afgekort tot PUK) ontstaan. Daar is besluit dat die PUK ’n hoër onderriginstituut, onafhanklik van die GKSA, sal wees, alhoewel die PUK sou voortgaan om predikante vir die GKSA op te lei.

In 1921 word die Potchefstroomse Universiteitskollege (sonder die "vir Christelike Hoër Onderwys" agtervoegsel) geïnkorporeer by die Universiteit van Suid-Afrika; die PUK het eers in 1933 die "vir Christelike Hoër Onderwys" as deel van sy naam teruggekry.

Die Potchefstroomse Universiteitskollege vir Christelike Hoër Onderwys word amptelik in 1951 as ’n onafhanklike universiteit erken en hernoem tot Potchefstroomse Universiteit vir Christelike Hoër Onderwys.

In 1966 word die Vaaldriehoek-kampus gevestig in Vanderbijlpark, ten einde tersiêre onderrig in hierdie omgewing te verskaf.

In 2004 smelt die Potchefstroomse Universiteit saam in die Noordwes-Universiteit. Die ander twee kampusse is in Mahikeng en in Vanderbijlpark.

Fakulteite[wysig | wysig bron]

Die Potchefstroomse Universiteit het kursusse verskaf en die Potchefstoomkampus van die Noordwes-Universiteit gaan voort om dit te verskaf, in die volgende fakulteite (die jaar waarin die fakulteit gestig is, word in hakies aangedui):

  • Lettere en Wysbegeerte (1921)
  • Natuurwetenskappe (1922)
  • Teologie (1930)
  • Onderwyswetenskappe (1935)
  • Ekonomiese en Bestuurswetenskappe (1942)
  • Regsgeleerdheid (1966)
  • Farmasie (1978) (Die Departement Farmasie het reeds sedert die 1950's bestaan)
  • Ingenieurswese (1983)
  • Gesondheidswetenskappe (1999)

Kultuur[wysig | wysig bron]

Die universiteit se "Alabama Studentegeselskap", ’n musiekrevue-groep, gestig in 1943 en ontbind in 2008, is dwarsoor Suid-Afrika bekend. Die Potchefstroomse Universiteitskoor is wêreldbekend en was vir meer as 30 jaar onder leiding van prof. Awie van Wyk.

Studentegetalle en statistiek[wysig | wysig bron]

In Augustus 2004 het die Potchefstroom kampus van die Noordwes-Universiteit 33 713 studente gehad. Hiervan was 13 021 manlik en 20 692 vroulik. Daar was 31 300 voorgraadse studente en 2 413 nagraadse studente.

Bekende oudstudente[wysig | wysig bron]

Politiek[wysig | wysig bron]

Uitvoerende Kunste[wysig | wysig bron]

  • Rina Hugo, bekende sangeres het haar B.Mus.-graad hier verwerf in 1970. Sy was ook lid van die Alabama Studentegeselskap. Sy het uitgeblink in feitlik alle genres wat deur ’n solis beoefen kan word naamlik: Opera, oratorium, operette, musiekblyspele, die kunslied en ligte musiek.
  • Christa Steyn, 'n student gedurende 1976–1978, oorlede op 11 Junie 2012 in Pretoria, was ook lid van die Alabama Studentegeselskap; ’n komponis, pianis en Afrikaanse sangeres wat bekend was vir haar duette saam met Jannie du Toit.
  • Kobie van Rensburg [1] is ’n wêreldbekende operasanger wat tans in Duitsland werk. Hy was lid van die Potchefstroomse Universiteitskoor (1987–1994).

Sport[wysig | wysig bron]

Ander[wysig | wysig bron]

Noemenswaardige personeel[wysig | wysig bron]

Kommersiële produkte en patente[wysig | wysig bron]

CFAM – Sentrum vir Gevorderde Vervaardiging[wysig | wysig bron]

Voorbeelde van tipiese projekte wat aangepak is:

  • Skroefsegment vir dubbelskroef-ekstrueerders
  • Lope en loopsegmente vir dubbelskroef-ekstrueerders
  • Ekstrusiematryse en knieblokke
  • Komponente vir die verdedigingsbedryf
  • Komponente vir die myn- en rotsboorbedryf
  • Herontwerp van komponente van veral dubbelskroef-ekstrueerders

CTexT – Sentrum vir Tekstegnologie[wysig | wysig bron]

Student lab[wysig | wysig bron]

  • Student Lab Small Scale Chemistry laboratory

Bekende aktiwiteite[wysig | wysig bron]

Tarentaal[wysig | wysig bron]

Die Republiek van Tarentaal is in 1972 gestig met John Vorster as die eerste president.[4] Hierdie fiktiewe "republiek" se kultuurerfenis en geskiedenis was gebruik as 'n voertuig om eerstejaarstudente tuis te maak op die kampus, asook in te lei in die sosiale studentelewe op die Puk. Republiek van Tarentaal was veral aktief op die kampus tydens die sg. "ontgroeningseremonies" ('n tipe inisiasie) van eerstejaars elke jaar in Januarie. Laasgenoemde was 'n stokou tradisie wat in die 1990's afgeskaf (eintlik verbied) is, a.g.v. berugte wanpraktyke van seniors teenoor nuwelinge (onder die dekmantel van ontgroening), wat die universiteit se beeld na buite geskaad het.

Jool[wysig | wysig bron]

Dit is ’n liefdadigheidsorganisasie waar al die eerstejaars, in hul koshuisverband, met hul self-geboude vlotte deur die strate van die dorp beweeg en geld insamel vir 'n goeie doel.

Koshuise[wysig | wysig bron]

  • Caput Manskoshuis
  • De Wilgers Manskoshuis
  • Excelsior Manskoshuis
  • Hombré Manskoshuis
  • Laureus Manskoshuis
  • Over-de-Voor Manskoshuis
  • Patria Manskoshuis
  • Puk Dorp Manskoshuis
  • Ratau Leboné Manskoshuis
  • Soetdorings Manskoshuis
  • Veritas Manskoshuis
  • Heimat Manskoshuis (vir dagstudente)
  • Thaba Jäh Manskoshuis (vir dagstudente)
  • Villagers Manskoshuis (vir dagstudente)
  • Eikenhof Dameskoshuis
  • Heide Dameskoshuis
  • Huis Republiek Dameskoshuis
  • Karlien Dameskoshuis
  • Kasteel Dameskoshuis
  • Klawerhof Dameskoshuis
  • Minjonet Dameskoshuis
  • Oosterhof Dameskoshuis
  • Vergeet-my-nie Dameskoshuis
  • Wag-'n-Bietjie Dameskoshuis
  • Wanda Dameskoshuis
  • Bellatrix Dameskoshuis (vir dagstudente)
  • Dinki Dameskoshuis (vir dagstudente)
  • La Varia Dameskoshuis (vir dagstudente)


Sien ook[wysig | wysig bron]

Verwysings[wysig | wysig bron]

  1. www.kobievanrensburg.de
  2. 2,00 2,01 2,02 2,03 2,04 2,05 2,06 2,07 2,08 2,09 2,10 Gert J.L. Scholtz, red. (1969). Potchefstroomse Universiteit vir Christelike Hoër Onderwys Atletiek-gedenkalbum 1869-1969. Voortrekkerpers Beperk.
  3. 3,0 3,1 3,2 3,3 "NWU-Rugbyinstituut inligtingsbrosjure" (html). NWU. Besoek op 1 Julie 2020.
  4. Lenie, Gouws (19 Mei 2011). "Die Republiek van Tarentaal kom van ver af" (html). NWU. Geargiveer vanaf die oorspronklike op 9 Oktober 2019. Besoek op 17 Junie 2012.

Eksterne skakels[wysig | wysig bron]