Paarl Gimnasium

in Wikipedia, die vrye ensiklopedie
Spring na: navigasie, soek
Laerskool Paarl Gimnasium se hoofgebou, oorkant die Toringkerk, Hoofstraat, Paarl.
Paarl Gimnasium

Gimnasium in die Paarl is op 12 Januarie 1858 deur ds. G.W.A. van der Lingen gestig en het die grondslag gevorm van die Christelik-nasionale onderwys in Suid-Afrika deurdat dit Nederlands as onderrigmedium gebruik het toe Engels die enigste amptelike onderrigtaal was, en deurdat godsdiensonderrig 'n verpligte vak was.

Verskeie taalstryders van die Afrikaanse Taalbeweging het aan die Gimnasium skoolgegaan, onder meer ds. S.J. du Toit, wat 'n leerling van Arnoldus Pannevis was.

Sedert 1902, die jaar waarin sport op 'n georganiseerde wyse by Gimnasium begin beoefen is, het die skool 74 mans en vroue opgelewer wat Suid Afrika in 22 verskillende sportsoorte verteenwoordig het, onder meer ook 27 Springbokke. Die bekendstes van die afgelope jare is De Wet Barry, Marius Joubert, Jean de Villiers en Schalk Burger.

In 1964 skei die skool in 'n hoër- en laerskool, met in 2007 onderskeidelik 1 161 en 550 leerders. Meisies is eers ná die skeiding toegelaat.

Eksterne skakels[wysig]