Palazzo Pretorio

in Wikipedia, die vrye ensiklopedie
Palazzo Pretorio, hooffasade aan die Piazza Pretoria

Die Palazzo Pretorio, ook "Palazzo Senatorio" of weens die arendbeelde aan sy fasade "Palazzo delle Aquile" genoem, is 'n paleis in Palermo. Dit is in die stadskern geleë aan die suidekant van die Piazza Pretoria. Die gebou se agterkant is aan die Piazza Bellini geleë.

Die Paleis is in die 15de eeu gebou en was die setel van die senaat van Palermo. In die 17de eeu is dit uitgebrei en in die 19de eeu verder aangepas. Die huidige fasade dateer uit 1875. Dit is versier met 'n groot standbeeld van die heilige Rosalia, die beskermheilige van Palermo, en met reliëfpanele wat die stad se geskiedenis uitbeeld; soos byvoorbeeld die inmars van Garibaldi en die besoek van Pous Johannes Paulus II. Die stad se stadsaal word vandag in die gebou gehuisves.