Palermo

in Wikipedia, die vrye ensiklopedie
(Aangestuur vanaf Palermo (stad))
Spring na: navigasie, soek

Palermo
Palermu
Collage Palermo.jpg

Kaart Vlag
Palermo, Sicily.png
Flag of Palermo.svg
Wapen
Palermo-Stemma da Il blasone in Sicilia (Tav 82).png
 Land Vlag van Italië Italië
 Region Flag of Sicily.svg Sisilië
 Koördinate 38°06′56″N 13°21′41″W
 Gestig op 8de eeu v.C.
 Oppervlakte:  
 - Totaal 158,88 vk km
 Hoogte bo seevlak 14 m
 Bevolking:  
 - Totaal (2010) 656 667
 - Bevolkingsdigtheid 4 133,10/vk km
 Tydsone UTC+1
 - Somertyd UTC+2
 Burgemeester Diego Cammarata
 Amptelike webwerf comune.palermo.it

Palermo (Sisiliaans: Palermu, Grieks: Panormos) is die hoofstad en regeringssetel van die autonome gebied Sisilië binne die Italiaanse Republiek. Die stad is ook tegelykertyd die grootste stad in Sisilië en van die Middellandse See-eilande. Saam met die eilande Sardinië en Elba onderskei Sisilië homself van die kontintentale deel van Italië. Met 656 667 inwoners in 2010 is Palermo na Milaan (Milano), Rome (Roma), Napels (Napoli) en Turyn (Torino) die vyfde grootste stad in Italië. Die inwoners van die stad staan bekend in Italiaans as die Palermitani of poëties die Panormiti.

Ligging[wysig]

Palermo is aan die noordweste van die eiland geleë, aan die Tirreense See en daarmee ook aan die Middellandse See. Die stad kyk uit oor die baai van Palermo wat omring word deur 'n aantal berge waaronder die Monte Pellegrino, wat saam 'n pragtige beskutting vir die baai vorm wat bekend staan as die Concha d'Oro (die Goue Skulp). Hoewel die Eoliese eilande nie maklik vanuit Palermo bereikbaar is nie, is die eiland Ustica bereikbaar vanuit die hawe per boot. Rondom Palermo is 'n paar mooi strande en pragtige seedorpe waaronder Mondello, Sferacavallo en Cefalù.

Geskiedenis[wysig]

Palermo is gestig in die 8ste eeu v.C. deur Fenisiese handelaars binne die natuurlike hawe gevorm deur die Concha d'Oro. Die Fenisiese naam vir die stad was Zis, maar die Griekse kolonisten het die stad as Panormos herdoop, wat "volledige hawe" beteken. Palermo was nooit onder Griekse bestuur (soos byvoorbeeld Napels) nie, maar het later van tyd onderdeel geword van die Griekstalige oostelike deel van die Oostelike Romeinse Ryk (Bisantynse Ryk). Palermo word deur baie beskou as die stad wat die meeste verower is ter wêreld, wat duidelik word uit die res van hierdie artikel.

Beelde[wysig]