Palestynse Grondgebiede

Palestynse Grondgebiede
السلطة الوطنية الفلسطينية
as-Sulṭa al-waṭaniyya al-filasṭīniyya (Arabies)

(Vlag van die Palestynse Grondgebiede) (Wapen van die Palestynse Grondgebiede)
Nasionale leuse: geen
Ligging van die Palestynse Grondgebiede
Kaart van die Palestynse Grondgebiede
Amptelike tale	Arabies
Hoofstad	Gasa en Ramallah (de facto) Oos-Jerusalem (de jure)
Grootste stad	Gasa
President	Mahmoud Abbas
Eerste Minister	Salam Fayad
Oppervlakte  - Totaal	6 220 vk km
Bevolking  - Totaal (2012)  - Bevolkingsdigtheid	4 293 313 654/vk km
Geldeenheid	Jordaniese dinar (JOD) Egiptiese pond (EGP) Israeliese schekel (ILS)
Tydsone  - Somertyd	UTC: UTC +2 UTC +3
Volkslied	Biladi

Die Palestynse Grondgebiede (Arabies: السلطة الوطنية الفلسطينية, as-Sulṭa al-waṭaniyya al-filasṭīniyya) is deel van die Britse mandaat van Palestina wat deur Jordanië en Egipte ingeneem is in die laat 1940's, en deur Israel ingeneem in die 1967 Ses-Dae Oorlog. Die Palestynse grondgebiede is deur die Gasa-Jericho-ooreenkoms met Israel op 4 Mei 1994 gestig. Dit bestaan uit die Gasastrook en 40 % van die Wesoewer, terwyl die Staat Palestina volgens internasionale reg uit die Gasastrook, die Wesoewer en die hoofstad Oos-Jerusalem bestaan.

Sedert die begin van die Palestynse Burgeroorlog tussen die Fatah en Hamas is die Grondgebiede verdeel: Die Fatah beheer die Wesoewer, terwyl die Hamas die Gasastrook regeer. Die Fatah is 'n lid van die Palestynse Bevrydingsorganisasie, maar nie die Hamas nie.

Die PLO het op 15 November 1988 in Algiers die onafhanklikheid van die Staat Palestina met Jerusalem as hoofstad verklaar, wat deur 131 lande erken word. Op 31 Oktober 2011 het "Palestina" 'n lid van die UNESCO geword en op 29 November 2012 het die Algemene Vergadering van die Verenigde Nasies met 'n groot meerderheid vir die opname van Palestina as waarnemer gestem.