Palmietfontein Lughawe
| Palmietfontein Lughawe | |||
|---|---|---|---|
| IATA: geen – ICAO: geen | |||
| Opsomming | |||
| Tipe lughawe | Gesluit | ||
| Ligging | Johannesburg, Suid-Afrika | ||
| Geopen | 1940s | ||
| Hoogte bo seevlak | 5107 vt / 1557 m | ||
| Koördinate | 26°20′12″S 28°08′48″O / 26.33667°S 28.14667°O | ||
| Aanloopbane | |||
| Rigting | Lengte | Oppervlak | |
| vt | m | ||
Palmietfontein Lughawe, in die Germiston-distrik, was vir 'n kort tydperk na die Tweede Wêreldoorlog as Johannesburg, Suid-Afrika, se internasionale lughawe gebruik.
Geskiedenis[wysig | wysig bron]
Voorheen is die Randse Lughawe as Johannesburg se lughawe gebruik. Die Suid-Afrikaanse Lugdiens (SAL) was dan ook daar gevestig. Na die Tweede Wêreldoorlog het BOAC (British Overseas Airways Corporation) besluit om die Avro York-vliegtuig te gebruik vir hul vlugte na en van Suid-Afrika. SAL het ook 'n paar van hierdie vliegtuie by BOAC gehuur. Ongelukkig was die aanloopbane by die Randse Lughawe te kort vir hierdie vliegtuie. Daar is toe besluit om 'n nuwe lughawe in Kemptonpark te bou. Tot tyd en wyl die nuwe lughawe gereed was, sou die ou lugmagbasis op Palmietfontein naby Germiston gebruik word.[1]
Die SAL se eerste interkontinentale vlug is op 10 November 1945 onderneem. Die roete was Palmietfontein-Nairobi-Kartoem-Kaïro-Castel Benito-Hurn (Bournemouth). Die vlug het drie dae geduur, met oornagverblyf in Nairobi en Kaïro. Die vliegtyd was meer as 33 uur. [1] Nog 'n rekordprestasie was Qantas se vlug van Sydney oor Perth, Kokoseilande, Mauritius na Palmietfontein. Die vlugtyd was net onder 42 uur. Die eerste straalaangedrewe passasiersvlug was BOAC se de Havilland Comet wat op 3 Mei 1952 op Palmietfontein geland het.[2]
Uitleg[wysig | wysig bron]
Daar was drie aanloopbane wat 'n driehoek gevorm het. Die langste aanloopbaan, 17/35, was 6 000 voet lank. Aanloopbaan 04/22 was 4 500 voet lank. Beide voormelde bane was geteer. Aanloopbaan 04/22 was met gras bedek.
Latere gebruik[wysig | wysig bron]
Nadat Jan Smuts Lughawe in gebruik geneem is, is Palmietfontein omskep in 'n motorrenbaan.[3] In 1956 is die Randse Grand Prix daar gehou. Daarna is die Natalspruit Hospitaal op die terrein opgerig. Die ou hoofgebou van die lughawe is vir jare lank deur die hospitaal gebruik. Mens kan nog die ou aanloopbane op Google Earth eien. Sien 26°20′12″S 28°08′48″O / 26.33667°S 28.14667°O
Verwysings[wysig | wysig bron]
- ↑ 1,0 1,1 http://www.saamuseum.co.za/saa-history.html
- ↑ The Star, Johannesburg, 3 Mei 1952.
- ↑ http://www.silhouet.com/motorsport/tracks/palmietf.html