Patriarg Job van Moskou

in Wikipedia, die vrye ensiklopedie
Spring na: navigasie, soek
Patriarg Job
Patriarg Job weier om Vals Dmitri I van Rusland te erken as Iwan die Verskriklike se seun (19de-eeuse skildery deur Peter Geller).
Patriarg Job weier om Vals Dmitri I van Rusland te erken as Iwan die Verskriklike se seun (19de-eeuse skildery deur Peter Geller).
Kerk Russies-Ortodokse Kerk
Setel Moskou
Termyn 26 Januarie 1589–Junie 1605
Russies Иов
Kerkampte
Voorganger geen (Nuwe amp)
Opvolger Ignatius van Moskou (nie erken)
Patriarg Hermogenes van Moskou (erken)
Persoonlike besonderhede
Geboortenaam   Ioann
(Иоанн)
Gebore onbekend
Geboorteplek Tsaredom van Rusland
Oorlede 19 Junie 1607
Sterfteplek Staritsa, Tsaredom van Rusland
Nasionaliteit Russies
Heiligmaking 1989
Portaal  Portaalicoon   Rusland

Job (Russies: Иов, Iof; 2de kwart van die 16de eeu - 19 Junie 1607) was die eerste Russies-Ortodokse patriarg van Moskou en die hele Rusland.

Lewe[wysig]

Sy geboortenaam was Ioann (Иоанн), die Oudslawiese vorm van Iwan. Hy het teen sy pa se wens in ’n monnik geword op sy geboortedorp, Staritsa, en die naam Job aangeneem. In 1566 het hy die ab van die plaaslike klooster geword met die hulp van Iwan die Verskriklike, wat op Staritsa gewoon het tydens sy skrikbewind bekend as die Opritsjnina.

In 1571 is Job na Moskou verplaas waar hy die ab van twee kloosters geword het voor hy in 1581 biskop van Kolomna geword het. Hy het die aandag getrek van Boris Godoenof tydens die bewind van tsaar Fjodor I en is aangestel as aartsbiskop van Rostof en in 1589 patriarg van Moskou en die hele Rusland nadat die patriarg van Konstantinopel ’n patriargaat in Rusland gestig het. Hy het ’n groot rol gespeel om Boris Godoenof op die troon te kry.

Hy het gehelp met die heiligverklaring van Russiese heiliges en het die bou van nuwe katedrale en kloosters in die pas verowerde Astrachan en Siberië gesteun.

In onguns[wysig]

Ná Boris Godoenof se dood in 1605 het hy geweier om Vals Dmitri I te aanvaar as die seun van Iwan die Verskriklike en dus nuwe tsaar van Rusland. Hy het Dmitri kwaai gekritiseer en is as verraaier na sy ou klooster in Staritsa verban waar hy in 1607 dood is. Die Russies-Ortodokse Kerk het hom in 1989 tot heilige verklaar.

OrthodoxCross(black,contoured).svg    Russies-Ortodokse patriarge van Moskou en die hele Rusland
 1589 - 1721  St. JobIgnatius (nie erken deur die Russies-Ortodokse Kerk)St. HermogenesFilaretJoasaf IJosefNikonPitirim (locum tenens)Joasaf IIPitirimJoachimAdriaanStefan Jaworski (locum tenens)
 1721 - 1917  Heiligste Regerende Sinode
 1917 - hede  St. TichonPieter van Kroetitsi (locum tenens)SergiusAleksi IPimenAleksi IIKirill