Patrizio Buanne
| Patrizio Buanne | ||
|---|---|---|
 |
||
|
Patrizio Buanne in Thailand, 2005
|
||
| Geboortenaam | Patrizio Franco Buanne | |
| Geboorte | 20 September 1978 Napels, Italië |
|
| Genre(s) | Minnesanger Volwasse Eietydse Musiek Popmusiek Goue Oues |
|
| Tipe stem | Bariton | |
| Instrument(e) | Sang, Kitaar | |
| Aktiewe jare | 1991 — hede | |
| Uitgewer(s) | Globe Records, Warner Music Entertainment. | |
| Webwerf | http://patriziobuanne.com/ | |
 Musiekportaal |
||
Patrizio (gebore Patrizio Franco Buanne, 20 September 1978) is 'n Italiaanse bariton, liedjieskrywer en musiekvervaardiger. Sy sake was voorheen behartig deur Globe Records, 'n afdeling van Universal Music, maar daar is onlangs 'n nuwe aanbod met Warner Music Entertainment beklink.
Lewenskets[wysig]
Patrizio Buanne het in sy kinderjare tussen Napels (sy tuisstad) en Wene (waar sy ouers 'n restaurant besit het) grootgeword. Deur hierdie heen-en-weer pendel het hy 'n vurige liefde vir tale ontwikkel. Maar daar het op 'n vroeë ouderdom ook 'n ander talent na vore begin tree - sy talent om te sing en te vermaak.
Patrizio het Suid-Afrika einde Oktober 2011 vir die sesde keer besoek, met 'n album wat hy spesiaal vir Suid-Afrikaners saamgestel het - die helfte van die liedjies in Afrikaans. Nie alleen was hy die eerste internasionale sanger wat by Huisgenoot-Skouspel opgetree het nie, maar vir homself was dit ook die eerste keer dat hy Afrikaans op die verhoog gesing het.
Volgens Buanne was dit vir hom moeilik om Afrikaans onder die knie te kry[1]:
 |
Ek het baie moeite gedoen om die uitspraak perfek te kry. Maar Afrikaans is ’n baie moeilike taal. ’n Mens moet respek hê vir ’n taal wat jy gebruik. Ek praat Italiaans, Spaans, Frans, Duits, Engels en Pools. Tale is my groot liefde. |
 |
Hy is ook bevriend met verskillende Afrikaanse sangers, versamel plaaslike wyne en het 'n hoë dunk van Suid-Afrikaners. [2] Sy tweede album, Forever Begins Tonight het platinum-status in Suid-Afrika bereik. [3]
Verwysings[wysig]
- ↑ http://152.111.1.87/argief/berigte/dieburger/2011/10/13/SK/3/mmpatrizio.html Patrizio sê in Afrikaans dankie vir die ondersteuning
- ↑ http://152.111.1.87/argief/berigte/dieburger/2011/10/13/SK/3/mmpatrizio.html Patrizio sê in Afrikaans dankie vir die ondersteuning
- ↑ http://152.111.1.87/argief/berigte/dieburger/2007/09/21/NJ/6/Wespartrizio2.html Italianer kook op verhoog
