Pedro López
| Pedro López | ||
| Gebore | 8 Oktober 1948 | |
| Land | Colombia | |
| Bynaam | Monster van die Andes | |
| Misdaad | Motordiefstal, verkragting, reeks moorde | |
| Misdaadbesonderhede | ||
| Plek | Colombia Ecuador Peru | |
| Datum(s) | 1969–1980 | |
| Slagoffers | 110–300+ | |
| Vonnisbesonderhede | ||
| Aangekeer | 9 Maart 1980 | |
| Vonnis | 16 jaar (Ecuador); vrygelaat ná 14 jaar; opgeneem in ’n hospitaal (Colombia); vrygelaat ná 3 jaar | |
Pedro Alonso López (geb. 8 Oktober 1948[1] in Santa Isabel, Colombia) is ’n Colombiaanse psigopatiese reeksmoordenaar wat aangekla is van die verkragting van en moord op meer as 300 meisies in sy geboorteland asook in Peru, Ecuador en moontlik ander lande. Sy geval het die eerste keer internasionaal bekend geword ná ’n onderhoud met Ron Laytner, ’n vryskutfotojoernalis, in 1980 in sy tronksel in Ambato.
Volgens Laytner se verhaal[2] het López in 1980 as die Monster van die Andes bekend geword toe hy die grafte van 53 slagoffers in Ecuador aan die polisie uitgewys het. Hulle was almal meisies tussen nege en twaalf jaar oud.
In 1983 is hy skuldig bevind aan die moord op 110 jong meisies net in Ecuador. Hy het skuld beken aan die moord op nog 240 vermiste meisies in die naburige Peru en Colombia. Hy is in 1998 vir goeie gedrag uit ’n psigiatriese hospitaal vrygelaat nadat hy aanvanklik kranksinnig verklaar is.
Verwysings[wysig | wysig bron]
- ↑ Harle, James. "Birth Year" (in Engels). Thenationalstudent.com. Geargiveer vanaf die oorspronklike op 23 Oktober 2014. Besoek op 25 Augustus 2013.
- ↑ "Worst Serial Killer Released" (in Engels). Edit International. Geargiveer vanaf die oorspronklike op 21 Julie 2019. Besoek op 25 Augustus 2013.