Percy Montgomery
| Percy Montgomery | |||
|---|---|---|---|
 |
|||
| Volle naam | Percival Colin Montgomery | ||
| Geboortedatum | 15 Maart 1974 | ||
| Geboorteplek | Walvisbaai, Namibië | ||
| Lengte | 1,82m | ||
| Gewig | 84,4 kg | ||
| Rugbyloopbaan | |||
| Posisie(s) | |||
| Heelagter Buitesenter Losskakel |
|||
| Provinsiale/Staatspanne | |||
| 1997-2001 2004 2005-2007 2008 2008 |
WP Newport Gwent Natal Perpignan WP |
||
| korrek op . | |||
| Super Rugby | Wedstryde | (punte) | |
| 1997-2001 2005-2007 2008 |
Stormers Sharks Stormers |
() | |
| korrek op 2007-04-27. | |||
| Nasionale span(ne) | Wedstryde | (punte) | |
| 1997-2008 |  Suid-Afrika |
102 | (893) |
| korrek op 2009-05-21. | |||
| Ander Inligting | |||
| Beroep | Professionele rugbyspeler | ||
| Skool bygewoon | South African College School (SACS) | ||
| Universiteit | Kaapse Technikon | ||
Percival Colin "Percy" Montgomery (gebore 15 Maart 1974 in Walvisbaai, Suid-Afrika, nou deel van Namibië) is 'n rugbyspeler wat tans internasionaal as heelagter vir die Springbokke speel, in die Curriebeker vir die Natal Sharks en vir die Sharks in die Super 14.
Hy het vir Westelike-Provinsie en die Stormers gespeel voor hy in 2002 na Wallis verhuis het om by Newport RFC aan te sluit voor hy in 2003 by die Newport Gwent Dragons aangesluit het ná die herorganisering van Walliese rugby op 'n streeksgrondslag. Ná die 2004-05 Nooordelike Halfrond seisoen het hy na Suid-Afrika terugekeer om weer in sy geboorteland rugby te speel.
Montgomery het vir die eerste keer in 1997 vir die Springbokke uitgedraf en teen 2001 het hy reeds in 50 toetswedstryde vir Suid-Afrika gespeel. Sy Springbokloopbaan is egter deur sy skuif na Wallis onderbreek aangesien spelers op daardie stadium slegs vir die Springbokke kon speel as hulle in Suid-Afrika gebaseer was. Ná 'n verandering in beleid is hy in 2004 deur die nuwe afrigter Jake White teruggeroep in 'n jaar waarin hy in 11 toetswedstryde gespeel het en 'n belangrikke rol gespeel het in die Bokke se herstel ná die insinking van die tydperk wat dit voorafgegaan het. Hy was een van die hoofpuntebehalers in die Drie-Nasies Reeks in 2004 en 2005, en hy hou tans die rekord vir die Springbok wat die meeste punte in sy loopbaan behaal het. Op 17 Junie 2006 het hy in 'n wedstryd teen Skotland die eerste Springbok geword om 600 punte in sy toetsloopbaan aan te teken en op 9 Junie 2007 het hy die 700-punte merk verby gesteek in 'n wedstryd teen Manu Samoa. Montgomery se 797 Test punte (soos na die Bokke se 2007 Rugby Wêreldbekerwedstryd in Peol A teen Manu Samoa) gee hom meer as twee keer soveel punte as die speler wat die tweede meeste punte vir die Springbokke aangeteken het, Naas Botha (wat egter in slegs 28 toetse gespeel het teenoor Montgomery se 88, aangesien Botha tydens Suid-Afrika se era van sport isolasie gespeel het). Indien hy nie beseer word of 'n ruskans gegee word nie sal hy Joost van der Westhuizen se rekord as die speler wat die meeste kere vir die Springbokke gespeel het ewenaar wanneer hy vir die Bokke uitdraf in hulle tweede Peol A wedstryd teen Engeland op 14 September, en sal 'n nuwe rekord opstel wanneer hy op 22 September teen Tonga speel.
Op 13 Mei 2003 terwyl hy vir Newport gespeel het is Montgomery afgestuur nadat hy 'n lynregter platgestamp het. Hy is later swaar beboet en vir twee jaar verban vir die oortreding van "aanval op 'n wedstrydamptenaar".[1] Hy kon gevolglik nie deelneem aan die 2003 Rugby Wêreldbeker nie en het in die begin van Desember na Wallis teruggekeer om verder daar te speel.[2]
Montgomery het Wallis in 2006 verlaat om as heelagter vir die Sharks te speel in die Super 14.
Percy Montgomery het onlangs 'n kontrak met die Franse Top 14 klub USA Perpignan geteken om in die 2007-2008 seisoen vir die klub te speel na die Wêreldbeker.
[wysig] Verwysings
- ^ Wyn Griffiths: "Rugby Union: Montgomery suspended for pushing touch judge." The Independent, Londen, Jun 4, 2003.
- ^ "Montgomery Returns." European Rugby Cup website, 5 December 2003.
[wysig] Eksterne skakels
- Percy Montgomery by SARugby.co.za
- Percy Montgomery by www.genslin.us/bokke
- Sharks profiel
- Percy's Fanpage
| Springbokrugbyspelers (2007 Rugby Wêreldbeker) |
|---|
|
John Smit (Kaptein) - Bakkies Botha - BJ Botha - Gary Botha - Schalk Burger - Jean de Villiers - Bismarck du Plessis - Jannie du Plessis - Fourie du Preez - Os du Randt - Jaque Fourie - Bryan Habana - Butch James - Ricky Januarie - Wayne Julies - Victor Matfield - Percy Montgomery - Johann Muller - Akona Ndungane - Wynand Olivier - Ruan Pienaar - JP Pietersen - André Pretorius - Danie Rossouw - Bobby Skinstad - Juan Smith - Gurthro Steenkamp - François Steyn - Albert van den Berg - CJ van der Linde - Wikus van Heerden - Ashwin Willemse |
