Peristaltiese pomp

in Wikipedia, die vrye ensiklopedie
Spring na: navigasie, soek
'n Lineêre peristaltiese pomp
'n Peristaltiese pomp

'n Peristaltiese pomp is 'n soort positiewe verplasingspomp wat vir die pomp van 'n verskeidenheid vloeistowwe gebruik word. Die vloeistof word binne 'n buigbare buis binne in 'n normaalweg ronde (lineêre pompe is egter ook al gebou) pomphulsel gehou. 'n Rotor met 'n aantal nokke op die omtrek daarvan pers die buis saam. Soos die rotor draai, word die deel van die buis onder die nok toegedruk en forseer die vloeistof om in die buis af te beweeg soos die nok in die rigting van die vloeibeweging draai. Verder keer die buis terug na sy oorspronklike toestand wanneer die nok daarby verbybeweeg het. Die proses word peristalsis genoem en kom ook in biologiese stelsels voor soos onder andere die slukderm.

Peristaltiese pompe word tipies aangewend om skoon of steriele vloeistowwe te pomp omdat die pomp nie die vloeistof kan kontamineer nie, of andersins om korrosiewe vloeistowwe te pomp omdat die vloeistof nie in kontak met die pompmateriaal (buiten die buis self) kom nie. Algemene toepassings van hierdie tipe pomp sluit die pomp van korrosiewe chemikalieë, flodder met 'n hoë vastestoflading en ander materiale waar dit belangrik is om die produk van die omgewing te isoleer of dan andersom.

Hoë druk peristaltiese pompe wat teen drukke van soveel as 16 bar kan bedryf, het tipies skoene en hulsels wat met smeermiddel gevul om te voorkom dat die buis van die pomp verweer en om hitte te verwyder. Lae druk peristaltiese pompe het tipies droë hulsels en gebruik rollers. Hoë druk peristaltiese pompe gebruik gewoonlik versterkte buise. Lae druk pompe aan die ander kant gebruik onversterkte buise en word ook soms na verwys as buispompe.

Aangesien die enigste deel van die pomp wat in kontak met die vloeier is, die binnekant van die buis is, is dit baie maklik om die binneste oppervlak van die pomp skoon te maak en te steriliseer. Verder omdat geeneen van die bewegende dele met die vloeier kontak maak nie, is peristaltiese pompe ook goedkoop om te vervaardig. Die gebrek aan kleppe, seëls en pakstukke (drukstukke) maak ook dat die onderhoud van hierdie pomp relatief goedkoop is wanneer dit met ander pompsoorte vergelyk word.

Sien ook[wysig]

Tipiese aanwendings[wysig]

  • Dialise masjiene
  • Voedselvervaardiging
  • Masjiene wat drankies afmeet
  • Farmaseutiese vervaardiging
  • Rioolflodder (slyk)
  • Fontein- en watervalversierings
Commons
Wikimedia Commons het meer media verwant aan:

Eksterne Skakels[wysig]

'n Groot vervaardiger van hierdie soort pomp.