Persentasie

in Wikipedia, die vrye ensiklopedie
Spring na: navigasie, soek
'n Persentasieteken

Die woord "persent" beteken "uit 100" of "per 100". In wiskunde is 'n persentasie 'n getal of verhouding uitgedruk as 'n breukdeel van 100. Dit word dikwels aangedui met behulp van die persentasieteken, "%".

Berekeninge[wysig]

Hoeveel is n% van a?

n\%\text{ van }a=\frac{n}{100} \times a.

Voorbeeld:

36\%\text{ van }38 =\frac{36}{100} \times 38 = 13{,}68.

Hoeveel persent is a van b? Antwoord:

\frac ab\times 100

Voorbeeld:
Hoeveel persent is 15 van 572? Antwoord:

\frac{15}{572}\times 100 = 0{,}0262\times 100= 2{,}62

Dus: 15 is 2,62% van 572.

Vermenigvuldiging van persentasies:

Wat is 70% van 60% ?

70\%=\tfrac{70}{100},  60\%=\tfrac{60}{100}, dus
70\%\text{ van } 60\% =\tfrac{70}{100} \times\tfrac{60}{100}=0{,}42=42\%

Dus: 70% van 'n gedeelte van 60% is 42% van die oorspronklike hoeveelheid.

Persentasiepunt[wysig]

Wanneer 'n persentasie (byvoorbeeld 'n rentekoers) verhoog het van 10% tot 15% dan is dit 'n verhoging van (15-10)/10 = 50%. Maar soms is dit makliker om van die verskil in persentasie te praat en dan word die term "persentasiepunt" (afkorting=pp(?)) gebruik. Dus, indien die rentekoers verhoog het van 10% na 15% kan ons of sê dat die rentekoers met 50% verhoog het, of 'n mens kan sê dat dit 5 persentasiepunte verhoog het. Dit is baie belangrik om die regte terme te gebruik om verwarring te vermy.