Persephone

in Wikipedia, die vrye ensiklopedie
Spring na: navigasie, soek
Persephone
Griekse godin
Persephone, deur Carl Max Kruse.
Persephone, deur Carl Max Kruse.
Naam Persephone
Godin van Die lente
Blyplek Griekse onderwêreld
Man Hades
Ouers Zeus en Demeter
Romeinse eweknie Proserpina

Persephone was in die Griekse mitologie die verpersoonliking van die Aarde se vrugbaarheid en ook die godin van die onderwêreld. Sy was die dogter van Demeter alleen, of later van Demeter en Zeus. In die Olimpiese weergawe word sy die vrou van Hades (die onderwêreld).

Persephone is vandag ’n bekende figuur en haar verhaal is vol emosie: ’n onskuldige meisie, ’n moeder se hartseer oor haar ontvoering, en groot vreugde wanneer die dogter terugkeer. Dit verduidelik ook die kom en gaan van die seisoene.

Persephone en Demeter[wysig]

Hades (die god van die onderwêreld) ontvoer Persephone terwyl sy saam met haar ma, Demeter, blomme pluk en neem haar as vrou. Demeter mis haar baie en vervloek die land, wat ’n groot droogte tot gevolg het. Daarna pleit sy by Zeus om haar dogter terug te bring.

Zeus stuur Hermes om dit te doen, maar Hades gee vir Persephone ses granaatsade om te eet en daarom moet sy ses maande van die jaar in die land van die afgestorwenes bly. Die ander ses maande kan sy op Olimpus woon saam met haar familie. Terwyl sy in die onderwêreld is, mag sy niks anders eet nie, anders sal sy dit nie weer kan verlaat nie. Vir die ses maande van haar afwesigheid, terwyl Demeter treur, keer die droogte (herfs en winter) terug.

Persephone en Adonis[wysig]

Afrodite was Adonis se minnares en surrogaatma. Sy het Myrrha gevra om bloedskande te pleeg met haar pa, Theias, die koning van Smirna of Sirië. Myrrha het in die donker by haar pa geslaap en toe Theias eindelik die bedrog ontdek, jaag hy sy dogter met ’n mes. Myrrha vlug en Afrodite verander haar in ’n mirreboom. Nadat Theias ’n pyl in die boom in geskiet (of ’n beer die boombas met sy tande geskeur het), is Adonis uit die boom gebore.

Afrodite sit Adonis toe in ’n boks en neem hom na Hades sodat Persephone vir hom kan sorg. Adonis word ’n uiters aantreklike man en Afrodite gaan hom eindelik haal. Persephone wil hom egter nie teruggee nie en die twee godinne begin so baklei dat Zeus tussenbeide moet tree. Hy verklaar dat Adonis ’n derde van die jaar by Afrodite sal bly, ’n derde van die jaar by Persephone en die ander derde by wie hy wil. Natuurlik kies hy vir Afrodite.

Toe Adonis tydens ’n jagtog sterf, gaan hy terug na die onderwêreld, waar Persephone verheug is om hom te sien. Eindelik besef Afrodite waar hy is en haas haar na die onderwêreld om Adonis te gaan haal. Die twee godinne stry weer so erg dat Zeus tussenbeide moet tree. Dié keer gee hy Adonis vir ses maande van die jaar aan Afrodite en die ander ses maande van die jaar aan Persephone.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  • Burkert, Walter, Greek Religion 1985
  • Kerenyi, Karl, Eleusis: Archetypal Image of Mother and Daughter, 1960
  • Zuntz, Günther, Persephone: Three Essays on Religion and Thought in Magna Graecia, 1973
Gode, helde en ander wesens in die Griekse mitologie
Oergode  AitherChaosChronosErebosGaiaHemeraNyxPontosTartarosUranos
Titane  Eerste geslag:  HyperionIapetosKoiosKriosKronosMnemosyneOkeanosPhoibeRheaTethysTheiaThemis Tweede geslag:  AsteriaAtlasEosEpimetheusHeliosLetoMenoitiosPrometheusSelene
Olimpiese gode  AfroditeApolloAtenaAresArtemisDemeterDionysosHephaistosHeraHermesPoseidonZeus • (Hestia)
Ander gode  AdonisAlpheiosAsklepiosErosHadesHebeHeraklesPanPersephone
Halfgode & helde  AchillesAntiopeDaidalosGanymedesIkarosJasonOedipusPeleusPenelopePerseusSisyphosTantalosTheseus
Ander wesens  AmasonesChtoniese godeEriniërsGiganteGorgoneGrasieëHonderdhandigesMinotourusMusesNimfeSatersSentoureSiklopeSkikgodinne