Philippus Jacobus Olivier

in Wikipedia, die vrye ensiklopedie
P.J. Olivier in 1952 toe hy administrateur van Kaapland was.
P.J. Olivier se handtekening.

Philippus Jacobus (P.J.) Olivier (distrik Fauresmith, 11 Januarie 1911 - Kaapstad, 27 Maart 1958) was goewerneur van Kaapland.

Hy gaan boer op 23-jarige ouderdom op die plaas Sendelingsfontein in die distrik Fauresmith. Tydens die tussenverkiesing in Kuruman op 7 Februarie 1940 verslaan hy as kandidaat van die Nasionale Party vir T.J.B. Melville van die Verenigde Party met 3 255 teenoor 2 452 stemme en word Volksraadslid. In die verkiesing van 1943 vergroot hy sy meerderheid in Kuruman tot 1 078 teen C.H. Badenhorst van die V.P. en J.J. Moorcroft van die Afrikanerparty. In 1948 vaar hy selfs beter teen die V.P. se L.H. Fick en wen met 1 678 stemme om die derde keer agtereenvolgens Volksraadslid vir Kuruman te word. In 1951 word hy egter as administrateur van Kaapland aangestel, waarna H.R.H. du Plessis onbestrede vir die N.P. in Kuruman verkies word in die tussenverkiesing op 10 September 1951.

Die enigste Afrikaanse hoërskool, wat ook uit 'n laerskoolafdeling bestaan, in Grahamstad is na hom genoem asook die Kunssentrum P.J. Olivier op Stellenbosch.

Bronne[wysig | wysig bron]

  • Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.
  • Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.

Eksterne skakels[wysig | wysig bron]