Grootflamink

in Wikipedia, die vrye ensiklopedie
(Aangestuur vanaf Phoenicopterus roseus)

Grootflamink
Twee volwassenes te Marievale-voëlreservaat in Gauteng
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
P. roseus
Binomiale naam
Phoenicopterus roseus
Sinonieme

Phoenicopterus antiquorum

Die grootflamink (Phoenicopterus roseus) is die mees wydverspreide spesie van die flamink-familie, maar migreer slegs in sommige gevalle en dan slegs oor kort afstande. Die voël is nou verwant aan die rooiflamink en die Chileense flamink en somtyds word na die drie as dieselfde spesie verwys.

Identifikasie[wysig | wysig bron]

Kop van 'n grootflamink in die Nehru-dierepark in Hyderabad

Soos die naam aandui, is die grootflamink 'n groot voël, met 'n algemene lengte van 120–140 cm. Die meeste van die grootflamink se vere is pienk-wit, maar die binnevlerke is rooi en die primêre en sekondêre vliegvere is swart. Die snawel is pienk met 'n swart punt en die pote is is heeltemal pienk.

Verspreiding[wysig | wysig bron]

Die grootflamink kom voor in verskeie dele van Afrika, Suidwes-Asië (insluitende Turkye), Suidelike-Asië (die kusgebiede van Indië) en Suid-Europa (insluitende Spanje, Siprus, Portugal en die Camargue-gebied van Frankryk).

Voorplanting[wysig | wysig bron]

Die grootflaminkwyfie lê 'n enkele bordkryt-wit eier op 'n ronde modderhopie.

Geluid[wysig | wysig bron]

Die geluid van 'n grootflamink is 'n "honk" geluid wat sterk aan 'n gans s'n herinner.

Ander name[wysig | wysig bron]

Ander name sluit in greater flamingo in Engels, en uKholwase of uNondwebu in Zoeloe.[2]

Fotogalery[wysig | wysig bron]

Sien ook[wysig | wysig bron]

Verwysings[wysig | wysig bron]

  1. BirdLife International (2008). Phoenicopterus roseus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 17 April 2009.
  2. Maclean, Gordon Lindsay; Newman, Kenneth; Lockwood, Geoff (1984). Roberts birds of South Africa (5de uitg.). Kaapstad: John Voelcker Bird Book Fund. p. 76. ISBN 0-620-07681X.

Bronnelys[wysig | wysig bron]

Eksterne skakels[wysig | wysig bron]