Piet Botha
Piet Botha | |
|---|---|
 Piet Botha tydens 'n optrede in Pretoria in 2015 | |
| Agtergrondinligting | |
| Gebore | 18 Julie 1955 |
| Sterf | 2 Junie 2019 (op 63) |
| Beroep(e) | Sanger en liedjieskrywer |
| Jare aktief | 1974–2019 |
| Etikette | Wildebeest, Rhythm Rekords & Wolmer Rekords |
| Assosiasies | Jack Hammer, The Lyzyrd Kyngs, Wildebeest, Akkedis |
| Webwerf | pietbotha.com |
Piet Botha (18 Julie 1955 – 2 Junie 2019)[1] was 'n Afrikaanse sanger en liedjieskrywer. Hy was die seun van Pik Botha, die wêreld se langsdienende Minister van Buitelandse Sake. Die Afrikaanse skrywer en kunstenaar Lien Botha is sy jonger suster.[2]
Biografie[wysig | wysig bron]
Piet Botha is in 1955 gebore en deel sy geboortedatum van 18 Julie met Nelson Mandela. Hy begin om liedjies te skryf en musiek te maak terwyl hy nog op skool is.[3] In 1974 hou hy sy eerste professionele konsert as 'n akoestiese duo saam met Abner Smith by die Keg and Tankard in Pretoria.[4] Daarna word hy deel van die musiekgroep Raven wat in 1979 hul enkelsnit Wheel of Fortune vrystel.[5]
Tussen 1981 en 1983 was hy betrokke by die groep Wildebeest en in 1984 begin hy die musiekgroep Jack Hammer.[6] Botha is in 1985 na die VSA om daar te gaan werk, maar keer in 1986 terug na Suid-Afrika. Botha en die lede van Jack Hammer kom weer bymekaar en reik die eerste Jack Hammer-album, Jack Of All Trades in 1987 uit. Gedurende 1991 aanvaar Botha 'n aanbod om saam met Silver Creek Mountain Band te speel en hy tree saam met hulle op vir 'n jaar lank, ses nagte per week.[4]
Sy eerste Afrikaanse album, ’n Suitcase vol winter, is in 1997 bekendgestel. Van sy bekendste liedjies sluit in Blues vir Louise, ’n Suitcase vol winter en Vandat jy weg is. Hy ontvang ’n SAMA-prys vir 'n leeftyd se bydrae tot Suid-Afrikaanse musiek by die 12de Suid-Afrikaanse Musiekpryse wat op 6 Mei 2006 in die Superbowl te Sun City plaasgevind het.[7] In 2002 is hy by die SA Rock Hall of Fame ingelyf[8] en in 2003 word sy album Die Mamba aangewys as SA Rock Digest se album van die jaar.[9] In 2006 is hy deur die FAK vir sy bydrae tot Afrikaans vereer.[2]
In 2011 verskyn Botha in 'n televisie-program genaamd "Wie Lê Waar" op die Afrikaanse TV-kanaal kykNET, waarin Botha die grafte van bekende Afrikaanse ikone besoek en hulle biografieë vertel. Die reeks lei dan ook dan indirek na die opneem en uitreik van Spookpsalms, Piet Botha se eerste solo-album in 8 jaar.[10]
In Februarie 2018 word Piet Botha se album Die Middernagtrein vrygestel. Dié album word aangewys as 'Beste Rock-album van die Jaar' by die Ghoema-musiektoekennings 2019.[11]
Piet Botha is op 2 Junie 2019 oorlede ná 'n kort stryd met kanker.[12]
Albums[wysig | wysig bron]
- 'n Suitcase Vol Winter, 1997 WILDEBEEST
- Donkermaan
- Sien Jou Weer
- Marilyn Monroe
- Suitcase Vol Winter
- Van Tonder
- Die Kind
- Goeienag Generaal
- Klein Bietjie Reën
- In Die Transvaal
- Staan Saam Burgers
- Gipsey In Jou Oë
- Kom Huistoe
- Jan Skopgraaf, 1999 WILDEBEEST
- Jan Skopgraaf
- Haiku Vir Rooijan
- Blues Vir Louise
- Loftus Versfeld
- Kankerreën
- Slawereën
- Allesverloren
- Van Tonder deel II
- Boomstraat
- Laat Die Wiele Rol
- Riemtelegram
- Die Hits – Piet Botha, 2001 EMI
- Die Mamba, 2003 RHYTHM
- Warm Heuning
- Bye Bye My Darling
- Man Met Kitaar
- Die Mamba
- O My Heiland
- Al Die Stede
- Skielik Somer
- Die Gemmerbroodman
- Bordello
- Bosveldpad
- Herfsgedagtes
- Kitty
- Jacob Klipkop
- Jeffreysbaai (instrumentaal)
- Spookpsalms, 2011 Wolmer Records (Onafhanklik)
- Die Middernagtrein, 2018 Wolmer Records (Onafhanklik)[10]
Sien ook[wysig | wysig bron]
Verwysings[wysig | wysig bron]
- ↑ (en) Local Rockstar Piet Botha dies
- ↑ 2,0 2,1 HAT Taal-en-feitegids, Pearson, Desember 2013, ISBN 978-1-77578-243-8
- ↑ "Piet Botha Biography Updated" (in Engels). pietbotha.wordpress.com. Geargiveer vanaf die oorspronklike op 29 Junie 2019. Besoek op 29 Junie 2019.
- ↑ 4,0 4,1 "Jack Hammer, 35 Years of Pounding down the Road, by Brian Currin, February 2008, updated June 2019" (in Engels). www.jackhammer.co.za. Geargiveer vanaf die oorspronklike op 25 Oktober 2019. Besoek op 30 Junie 2019.
- ↑ "Raven – Wheel Of Fortune single" (in Engels). jackhammer.co.za. Geargiveer vanaf die oorspronklike op 24 Oktober 2019. Besoek op 30 Junie 2019.
- ↑ "Rocklegende Piet Botha oorlede, 2 Junie 2019, deur Nico Strydom". maroelamedia.co.za. Geargiveer vanaf die oorspronklike op 9 September 2019. Besoek op 30 Junie 2019.
- ↑ "The 12th Annual MTN South African Music Awards winners list". Geargiveer vanaf die oorspronklike op 5 Julie 2019. Besoek op 5 Julie 2019.
- ↑ "SA Rock Hall of Fame: Inductees" (in Engels). www.sarockdigest.com. Geargiveer vanaf die oorspronklike op 22 Julie 2019. Besoek op 6 Julie 2019.
- ↑ "SA Rock Digest Issue #230, 29 December 2003" (in Engels). www.sarockdigest.com. Geargiveer vanaf die oorspronklike op 9 November 2019. Besoek op 6 Julie 2019.
- ↑ 10,0 10,1 "Discography, Piet Botha Solo". jackhammer.co.za. Geargiveer vanaf die oorspronklike op 25 Oktober 2019. Besoek op 23 Junie 2019.
- ↑ "kykNet Ghoema-musiekpryse 2019: Die wenners is..." afrmusieknuus.co.za. Geargiveer vanaf die oorspronklike op 19 April 2020. Besoek op 29 Junie 2019.
- ↑ "Piet Botha 18 July 1955 to 2 June 2019" (in Engels). pietbotha.wordpress.com. Geargiveer vanaf die oorspronklike op 23 Junie 2019. Besoek op 23 Junie 2019.
