Place Stanislas
Place Stanislas is 'n plein in die stad Nancy in Lotaringe in Frankryk. Die plein is in opdrag van die laaste hertog van Lotaringe Stanislas Leszczynski deur die argitek Emanuel Héré ontwerp en tussen 1751 en 1755 gebou. Sy huidige naam is in 1831 deur die inwoners van Nancy aan hom gegee in herinnering aan hulle voormalige hertog wat allerwee vir sy opheffingswerk beroemd was. Place Stanislas word tot die UNESCO wêrelderfenis terreine toegereken, en as een van die mooiste pleine in Frankryk beskou. Die plein is oorspronklik bedoel om as 'n skakel tussen die Ville Neuve, die nuwe stadsuitbreidings, en die historiese sentrum van Nancy te dien. Hy het sedertdien 'n algemene toeristeaantreklikheid sowel as 'n alledaagse leefruimte vir die inwoners geword.
Bronne [wysig]
- Hierdie is 'n vertaling uit die Franse Wikipedia
