Platteland (rolprent)

Die artikel beskryf 'n aktuele gebeurtenis. Die inligting op hierdie bladsy kan vinnig verander soos nuwe data beskikbaar raak.

Platteland
Regisseur	Sean Else
Produksieleier	Johan Kruger
Met	Steve Hofmeyr Lianie May Bok van Blerk
Musiek deur	Johan Vorster Deveroux van der Hoven
Kinematografie	Brendan Keyser
Ateljee	Mozi-platemaatskappy Philo-films
Vrystelling	12 November 2011
Speeltyd	120 minute
Land	Suid-Afrika
Taal	Afrikaans

Platteland is 'n Afrikaanse musiekrolprent wat in Vrede en omgewing deur die Mozi-platemaatskappy en Philo-films vervaar­dig is. Die regisseur is Sean Else. Die rolprent het op 12 November 2011 in teaters begin draai.

Eietydse musiektreffers is in die storielyn ingeweef, insluitende: Melanie (Jay), Tyd om te Trek (Bok van Blerk), Vergeet My Nie (Lianie May), Pa en Seun (Steve Hofmeyr en Bok van Blerk) en Sweet Dreams (Karlien van Jaarsveld).

Genre

Die rolprent is 'n drama en musiekblyspel. Die ouderdomsperk is 13 jaar (taal, geweld).

Hoofrolspelers

• Steve Hofmeyr as Mike Ferreira
• Lianie May as Riana van Niekerk
• Bok van Blerk as Dirk Pretorius
• Jay as Mike se seun
• Karlien van Jaarsveld as Mike se dogter
• Vaughan Gardiner as Riana se broer

en andere.

Storielyn

Riana van Niekerk doen alles in haar vermoë om hulle familieplaas te behou nadat haar ouers wreed vermoor is. Mike Ferreira besit die dorp en sal enige iets denkbaar doen om die grond in die hande te kry. Dirk Pretorius, 'n swerwer met sy eie geheime, kom tot hulle redding.