Ploegbreker

in Wikipedia, die vrye ensiklopedie

Ploegbreker
In Krugersdorp
Wetenskaplike klassifikasie
Koninkryk:
(geen rang):
(geen rang):
(geen rang):
Orde:
Familie:
Subfamilie:
Genus:
Spesie:
E. zeyheri
Binomiale naam
Erythrina zeyheri
Harv., (1862)
Sinonieme
  • Corallodendron zeyheri (Harv.) Kuntze

Die ploegbreker (Erythrina zeyheri, vernoem na Karl Zeyher) is 'n bladwisselende dwergstruik van Botswana, Lesotho, Suid-Afrika en Zimbabwe wat niks hoër as 60 cm groei nie.[1] Hulle is eintlik ondergrondse koraalbome[2] en hulle naam verwys na die feit dat 'n ploeg dikwels breek indien dit op so 'n ondergrondse boom stoot.

Die peulplant is inheems aan die sentrale plato, waar dit wydverspreid voorkom in grasveld.[3] Hulle groei in kleigrond en soms sandgrond, in die nabyheid van spruite en vleie, waar hulle in kolonies kan voorkom.[1]

Die haarlose, drieledige blare het skerp gekromde stekels langs die hoofas en groter syare,[4] wat aan die ondersy opgehewe is. Die lote en blare word jaarliks uitgestoot, en sterf weg tydens strawwe hoëveldse winters,[1] wanneer die plant oorleef as 'n aansienlike knolagtige wortelstok met kort bogrondse stingels. Bloeiwyses word in die somer voortgebring, van Oktober tot Januarie.[1] Die hangende skarlakenkleurige, of by uitsondering wit,[4] blomme het rooi blomkelke.

Die vrugte is gladde, swart peule, wat elk 'n paar harde, oranjerooi sade bevat.[1][4]

Dit is 'n voedselplant vir die mot Terastia margaritis.[5]

Verwysings[wysig | wysig bron]

  1. 1,0 1,1 1,2 1,3 1,4 Elliot Lithudzha, K Behr,. "Erythrina zeyheri". plantzafrica.com (in Engels). Suid-Afrikaanse Nasionale Biodiversiteitsinstituut. Geargiveer vanaf die oorspronklike op 11 November 2016. Besoek op 19 Desember 2012.{{cite web}}: AS1-onderhoud: ekstra leestekens (link) AS1-onderhoud: meer as een naam (link)
  2. Botanic Notables: The Immortal Underground Forest Anna Laurent Garden Design.
  3. Verslae uit Botswana en Zimbabwe word betwis, kyk: "Erythrina latissima E. Mey. (Notas)". Flora Zambesiaca. kew.org. Besoek op 21 Desember 2012.
  4. 4,0 4,1 4,2 van Wyk, Braam (1988). Veldgids tot die Veldblomme van die Witwatersrand en Pretoria. Cape Town: Struik. pp. 206–207. ISBN 0-86977-815-3.
  5. Goff, R. "Terastia margaritis". African Moths (in Engels). Geargiveer vanaf die oorspronklike op 6 Desember 2017. Besoek op 21 Desember 2012.

Eksterne skakels[wysig | wysig bron]